Kuenaku mua kuyisha nabu anyi?

Mu bisumbu bia bungi mutu bamanyishi badi bayisha kakese bualu badi ne masama a munanunanu anyi bualu bakadi bakulakaje. (2 Kol. 4:16) Kuenaku mua kuambila muanetu udi mu umue wa ku nsombelu eyi bua akufile paudi uya kulombola dilonga dia Bible anyi? Bikalaye kayi mua kumbuka kumbelu, udi nansha mua kulua ne muntu bua kulongela kuende. Kuenaku mua kulongolola imue misangu bua kuyisha ku nzubu mikese mu buambi bua ku nzubu ne ku nzubu ne mumanyishi udi usama peshi kupinganyina muntu umue anyi babidi anyi? Bamanyishi ba bungi badi bakulakaje bakadi bamonemone malu mu mudimu wa buambi. Nanku, kuya nabu mu buambi nekubambuluishe bobu ne wewe pebe. (Lomo 1:12) Yehowa neabeneshe kabidi malu onso aa audi wenza bua kubaleja dinanga.​—Nsu. 19:17; 1 Yone 3:17, 18.