Nubambuluishe bua “bajalame mu ditabuja”

Bidi bienza disanka bua kumona mudi Yehowa ubenesha didisangisha dietu bualu patudi tuangata bantu muliyo umue, bantu bapite pa 250 000 badi batambulu tshidimu tshionso. (Dut. 28:2) Padi mumanyishi wambuluisha mulongi bua kufikaye ku ditambula, dijinga diende didi mua kuikala dia kuimanyika kulonga nende bua kudifila bikole mu diambuluisha bakuabu. Nansha mulongi pende udi mua kujinga bua kuimanyika dilonga bua apete dîba dia bungi dia kuyisha. Kadi, mbimpe bua balongi ba Bible bashindame bimpe mu bulelela. Bidi bikengela “bele miji” mu Kristo ne “bajalame mu ditabuja.” (Kolos. 2:6, 7; 2 Tim. 3:12) Nunku, mulongi yeye mumane kutambula, udi ne bua kutungunuka ne dilonga diende dia Bible too ne padiye ujikija mikanda yonso ibidi, wa Bible ulongesha ne wa “Dinanga dia Nzambi.”​—Bala Mudimu wetu wa Bukalenge wa 4/2011, dibeji 2.