Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga ne bantu mu Disambombo dia kumpala dia ngondo wa 1

“Bantu ba bungi batu ne wabu mmuenenu pa bidi bitangila Nzambi. Bamue badi bamona Nzambi bu bukole kampanda budi bantu kabayi mua kumvua tshidibu to. Bakuabu badi bamumona bu Tatu wa dinanga udi mu diulu. Kadi wewe utu umona Nzambi mushindu kayi?” Lekela muntu andamune. Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/1. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/1

“Tudi tuenda tuyukila ne bantu mu minite mikese patupu bua bualu kampanda butu bututonda tuetu bonso, mbualu bua lufu lua muntu utudi banange. Utuku umona pebe ne: kufuisha mulunda wetu wa pa muoyo peshi mulela wetu mbualu budi busama ku muoyo anyi? [Lekela muntu andamune.] Mvese wa mu Bible eu utu ukolesha bantu ba bungi ku muoyo. [Bala Yeshaya 25:8.] Mukanda eu udi wakula bua mulayi wa mu Bible udi ukolesha wa muikala lufu ne bua kujika ne muikala bantu batudi banange ne bua kupetulula muoyo.”

Réveillez-vous! Ngondo wa 1

“Udiku pebe umona ne: mêku adi ne ntatu ya bungi lelu anyi? [Lekela muntu andamune.] Mvese wa mu Bible eu udi utuleja tshidi bena mu mêku ne bua kuikala natshi bua kuambuluishabu ne kukoleshabu mêku abu. [Bala Nsumuinu 24:3.] Bantu ba bungi batu bamona Bible bu mukanda muimpe wa meji. Mukanda eu udi wakula bua site umuepele wa Enternete wa malu a mu Bible udi ne imue mikanda idi mua kuambuluisha bena mu mêku.”