Mua kubikila bantu mu Tshivulukilu

“Tudi tuenda tupesha bantu dibeji dia dibikila edi bua kubabikila mu tshibilu tshia mushinga mukole. Mu dia 14 ngondo 4, bantu miliyo mivule nebadisangishe pa buloba bujima bua kuvuluka lufu lua Yezu Kristo ne kumvua muyuki wenzabu kabayi bafutshisha makuta udi uleja mudi lufu luende lutuambuluisha. Dibeji edi didi dileja muaba ne dîba dienzeka tshibilu etshi.”

Tshibumba tshia Nsentedi 1/4

“Tudi tuenda tutangila bantu bua kuyukila nabu mu minite mikese bualu butu bantu ba bungi benza. Bantu pa kuamba bonso bakadiku anu basambile dimue dituku nansha bobu mu tshitendelelu kayi. Udiku umona ne: Nzambi utu wandamuna masambila etu anyi? Peshi buebe wewe, masambila atu atuambuluisha anu bua kudiumvua bimpe patupu patudi mu ntatu? [Lekela muntu andamune.] Tangila tshidi Bible wamba bua disambila. [Bala 1 Yone 5:14.] Mukanda eu udi umvuija mudi disambila dituambuluisha.”

Réveillez-vous! Ngondo 4

“Tudi tuenda tuambuluisha bantu bua tshilumbu tshidi tshitangalake mu bantu lelu. Malu a mu nsombelu adi atonda bamue bantu bikole menemene bakeba too ne bua kudishipa. Padi muntu mu nsombelu wa nunku, buebe wewe, mmusue kufua anyi? Peshi mmusue anu kupeta patupu disulakana bua ntatu yende? [Lekela muntu andamune.] Mona mulayi wa mu Bible udi muambuluishe bantu ba bungi bua kuikalabu ne mmuenenu muimpe. [Bala Buakabuluibua 21:3, 4.] Mukanda eu udi uleja malu mimpe asatu adi mua kusaka muntu bua kubenga kudishipa nansha yeye mu ntatu.”