Mua kutuadija kulonga ne bantu mu Disambombo dia kumpala dia ngondo wa 9

“Bantu ba bungi batu bitaba ne: banjelu batuku. Ne wewe pebe anyi? [Lekela muntu andamune.] Bu mudi banjelu bikale bifukibua bia mu nyuma bia bukole bua bungi, udi wela meji ne: badiku mua kutuambuluisha anyi? Bible udi uleja mushindu udibu bambuluisha bantu lelu.” Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/9. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/9

“Udi wela meji ne: bantu mbanyange buloba mu mushindu udibu kabayi mua kubulongolola anyi? [Lekela muntu andamune.] Nansha mudi muntu kayi mua kulongolola buloba budiye munyange, Bible udi utuambila ne: Nzambi neabulongolole ne ke tshidi dijinga diende. Tudi ne tshijadiki mu Musambu wa 65:9. [Bala.] Tshibumba tshia Nsentedi etshi tshidi tshileja muikala Nzambi mua kulongolola buloba ne masanka atuapeta. Ndiku mua kukushilatshi bua ubale anyi?”

Réveillez-vous! Ngondo wa 9

“Bantu ba bungi badi bamona bamfumu babu ba mudimu babenzeja mudimu wa bungi ne kabena ne mushindu wa kuunyema to. Bamanyi bapiluke badi bamba ne: kuenza mudimu kupitshisha kudi kutshiokesha, kudi mua kuenzela muntu bibi ku mubidi ne mu lungenyi. Buebe wewe, tshidi mua kuambuluisha muntu bua kuikala ne nkatshinkatshi ntshinyi?” [Lekela muntu andamune.] Tangila mvese wa mu Bible udi weleshisha meji. [Bala Muambi 4:6.] Mukanda eu udi umvuija mishindu inayi itudi mua kuakaja malu adi ne mushinga ne mutudi mua kupita ne tshilumbu tshia kuenza mudimu kupitshisha.”