Mua kubikila bantu mu Tshivulukilu

“Tudi tuenda tupesha bantu dibeji dia dibikila edi bua kubabikila mu tshibilu tshia mushinga mukole. Mu dia 3 ngondo 4, bantu miliyo mivule nebadisangishe pa buloba bujima bua kuvuluka lufu lua Yezu Kristo ne bua kumvua muyuki wenzabu kabayi bafutshisha makuta udi uleja mudi lufu luende lutuambuluisha. Dibeji edi didi dileja muaba ne dîba dienzeka tshibilu etshi.”

Tshibumba tshia Nsentedi 1/3

“Mu matuku 3 a ngondo 4 nemuikale mufikilu wa lufu lua Yezu Kristo. Bamue bantu nebadisangishe dituku edi bua kusekelela mufikilu wa lufu luende, kadi bakuabu kabena bamona ne: lufu luende elu ludi ne mushinga to. Wewe udi wamba bishi? Udiku umona ne: lufu lua Yezu ne dibika diende bidi ne mushinga kutudi anyi? [Lekela muntu andamune.] Tangila tshidi Bible wamba bua bualu ebu. [Bala 1 Kolinto 15:22, 26.] Mukanda eu udi uleja muikala mulambu wa kupikula nawu bantu mua kutuambuluisha kumpala eku, mbuena kuamba ne: muntu nansha umue kakufua kabidi kumpala eku to.”

Réveillez-vous! Ngondo 3

“Tudi tuenda tutangila bantu mu minite mikese bua kubaleja Réveillez-vous! mupiamupia eu. [Umulejayi pa tshizubu.] Muntu yonso udi ne diende diandamuna dia lukonko lua kumpala elu: ‘Nzambi utuku anyi?’ Buebe wewe, mbanganyi badi ne mmuenenu muimpe bua matuku atshilualua: mbadi bitabuja ne: Nzambi udiku anyi mbadi babenga? [Lekela muntu andamune.] Mona bualu budi Nzambi mulaye budi bupesha bantu ba bungi ditekemena. [Bala Musambu wa 37:10, 11.] Mukanda eu udi uleja malu anayi adi atuambuluisha bua kumanya dikalaku dia Nzambi.”