Tuakajayi mishindu yetu ya kuyisha: Tuadija kulonga Bible ne bantu kuulu kuulu ku diambuluisha dia broshire wa Lumu luimpe lua kudi Nzambi
Mushinga: Bua kuvuija bantu bayidi, tudi ne bua kuikala balongeshi ba Dîyi dia Nzambi. (Mat. 28:19, 20) Tuetu bonso tudi mua kulongesha bantu bulelela bimpe ku diambuluisha dia mikanda yetu. Mbenze broshire wa Lumu luimpe lua kudi Nzambi nangananga bua kutuambuluisha bua kulonga Bible ne bantu. Nunku, tudi mua kutuadija kulonga ne muntu kuulu kuulu ku diambuluisha dia broshire eu musangu wa kumpala utudi tupetangana nende.
Tshitudi mua kuenza mu ngondo eu:
Sambila Yehowa bua akupeshe dijinga dia kulonga Bible ne muntu. Umulombe kabidi bua akuambuluishe bua kutuadija kulonga Bible ne muntu ne kulua mulongeshi muimpe wa bulelela.—Filip. 2:13.
Mu ntendelelu wenu wa mu dîku anyi paudi udilongela pa nkayebe, wangate minite ndambu bua kulonga mushindu wa kutuadija muyuki ne muntu. Nunku newakule ne dishindika dionso paudi utuadija kulonga Bible ne muntu kuulu kuulu.