Mamanyisha

▪ Trakte ne mabeji a dibikila bitudi tupesha bantu anyi tubashila ku nzubu padibu kabayiku tudi ne bua kubifunda mu kazubu ka “Broshire ne trakte” patudi tuwuja luapolo luetu lua mudimu ku ndekelu kua ngondo. Muntu yeye muleje dijinga, muangate mukanda anyi trakte, mbimpe kuenza ne muetu muonso bua kumupinganyina bua kukolesha dijinga diende.

▪ Kubangila mu lumingu lua dia 19/10/2015 netutuadije kulonga mukanda wa Nuidikije ditabuja diabu mu dilonga dia Bible dia tshisumbu. Bisumbu bidi dijinga ne mikanda eyi bidi mua kuyilombesha mu dilomba diabi dia mikanda didi dilonda. Badi basue badi mua kuyangatshila ku Enternete mu adrese wa jw.org pamutu pa kulombesha ya pa mabeji.