Luendu lua mudimu wetu

Mu dia 17/1/2015, bavua babanjije nzubu mipiamipia ya tusala ku Kinshasa. Kumbukila ku lelu, Kalasa ka batangidi ba tshijengu ne bakaji babu ne Kalasa kapiakapia ka Bamanyishi ba Bukalenge netuikale tuenzekela muaba eu. Bantu 1 264 bavua bateleje muyuki wa dibanjija nawu nzubu eyi uvua muanetu Gerrit Lösch muena mu Kasumbu kaludiki muenze. Dituku divua dilonda, muanetu Lösch kulombolaye difila dia maplome kudi balongi 50 ba mu tulasa tubidi tua kumpala tua Bamanyishi ba Bukalenge tuvua tuenzekele mu teritware wetu. Mu mapingaja, kuvua kuenzeke tshisangilu tshia pa buatshi mu Nzubu wa mpuilu wa mu Limete ku Kinshasa. Kuvua kuenzeke muyuki uvua ne tshiena-bualu ne: “Buobumue bua pa buloba bujima bukadiku lelu eu,” bavua bafile kabidi luapolo lua mudi mudimu wetu muende mu matunga etu onso abidi a Congo . . . Pashishe, bantu bavua balonde programe wa tshisangilu etshi mukuata mu mêyi (nansha mu bindidimbi, imue miaba) mu miaba mishilashilangane mu teritware wetu. Bana betu bapite pa 115 177 bavua balonde muyuki au.