Bua kulongesha bimpe bidi bikengela kudilongolola

Pavuabu bele Yezu lukonko lua muomumue misangu ibidi mishilangane luvua lutangila muoyo wa tshiendelele, wakandamuna bilondeshile majinga a muntu ne muntu. (Luka 10:25-28; 18:18-20) Nunku, nansha mutudi mua kuikala bamanye malu a mu Bible atudi tulonga ne muntu bimpe, tudi ne bua kudianjila kudilongolola bikale ne mulongi mu lungenyi. Mmalu kayi adi mua kumutatshisha bua kuumvua anyi kuitaba? Mmvese kayi idibu bafile itudi ne bua kubala? Mmalu bungi kayi atudi ne bua kulonga? Tudi mua kulongolola tshilejilu, diumvuija kampanda, anyi nkonko idi mua kuambuluisha mulongi bua kumvua bimpe malu atualonga. Bualu bukuabu, bu mudibi ne: Yehowa ke udi ukolesha ntete ya bulelela mu muoyo wa muntu, tudi ne bua kumulomba bua abeneshe didilongolola dietu bua dilonga, abeneshe mulongi ne bionso bitudi tuenza bua kumuambuluisha mu nyuma.​—1 Kol. 3:6; Yak. 1:5.