Tuakajayi nyishilu wetu: Lomba bantu badi banyisha bulelela bua balue mu bisangilu

MUSHINGA: Bisangilu bitu bitupetesha mpunga wa ‘kuimbila Yehowa misambu’ ne ‘kumutumbisha.’ (Ms 149:1) Mu bisangilu tutu tulongeshibua bua kuenza disua dia Nzambi. (Ms 143:10) Misangu ya bungi, bantu batu banyisha bulelela ne balongi ba Bible batu batuadija kuya kumpala diakamue padibu babuela mu bisangilu.

TSHIA KUENZA:

• Bikila muntu diakamue. Kuindidi anu pashindama dilonga dia Bible to.​—Bua 22:17

• 

  Umvuija muntu udi wanyisha bulelela malu aluaye kupeta ne atualonga mu bisangilu bidi kumpala. Udi mua kuenza mudimu ne dibeji dia kubikila nadi muntu mu bisangilu, ne filme wa Tshitu tshienzeka ku Nzubu wa Bukalenge ntshinyi?, ne dilongesha 5 ne dia 7 dia mu broshire wa Disua dia Yehowa

• 

  Umuambuluishe. Muntu udi wanyisha bulelela au udiku dijinga ne kumufikisha mu bisangilu peshi kumupesha bilamba biakanyine anyi? Somba nende mu bisangilu, nulondeshe nende tshiapamue mu mukanda webe. Umuleje kudi bakuabu