Mua kulongesha ne broshire wa Badi benza disua dia Yehowa lelu mbanganyi?

Broshire wa Badi benza disua dia Yehowa lelu mbanganyi? mmuenza bua tuetu kumulonga ne balongi ba Bible ku ntuadijilu anyi ku ndekelu kua dilonga dionso.a Dilongesha dia 1 too ne 4 adi ambuluisha balongi bua kutumanya bimpe. Dilongesha 5 too ne dia 14 adi abambuluisha bua kumanya midimu yetu, ne dia 15 too ne dia 28 adi aleja malu adi bulongolodi buetu buenza. Pa tshibidilu, mbimpe tuikale tukonkonona malongesha aa mudiwu malondangane, anu bikala mulongi mutuilangane ne bualu budi bulomba diambuluisha dia lukasa. Dilongesha dionso didi anu mu dibeji dimue ne tudi mua kuyukila ne balongi ba bungi mu minite 5 anyi 10.

• 

  Ela lukonko lua tshiena-bualu bua kukoka ntema ya mulongi

• Nubale dilongesha pamue. Nudi mua kudibala dionso dijima musangu umue anyi kudikosolola mu bitupa

• Umvuija binudi nufuma ku dibala. Ela nkonko idi kuinshi kua dibeji ne umvuija bimfuanyi. Bala mvese idi mikumbane, nuyukidilanganapu. Leja mudi mitu ya bualu idi ne maleta mafiikisha yandamuna lukonko lua tshiena-bualu

• Kuoku kazubu ka “Malu makuabu,” nukabale ne ukankamije mulongi bua atungunuke ne kuenza makebulula adibu bafunde