Udi wangata ntendelelu mukezuke ne mushinga bua tshinyi?

Tshikena kumona tshia ntempelo tshia Yehezekele tshivua tshikankamije bena Yuda bavuabu bakuate baye nabu bualu tshivua tshibapeshe ditekemena dia ne: bavua ne bua kujadikulula ntendelelu mukezuke. Matuku a ku nshikidilu aa, ntendelelu mukezuke ‘mmujadikibue bu mukuna mupite mikuabu bule,’ ne tudi munkatshi mua bantu ba mu bisamba bionso badi babuelamu. (Yes 2:2) Utu ne tshibidilu tshia kuelangana meji bua diakalenga diudi nadi dia kumanya Yehowa ne kumuenzela mudimu anyi?

MABENESHA ADI MU NTENDELELU MUKEZUKE:

• 

  Biakudia bia mu nyuma bia bungi bidi biandamuna nkonko minene itutu tudiela, bifila mikenji ya kulonda mu nsombelu, ne ditekemena dishindame.—Yes 48:17, 18; 65:13; Lom 15:4

• Tudi banangangane mu dîku dia bana betu ba pa buloba bujima.—Mis 133:1; Yne 13:35

• Diakalenga dia kuikala benzejanganyi ba mudimu ne Nzambi mu mudimu muimpe.—Bz 20:35; 1Ko 3:9

• “Ditalala dia Nzambi” didi ditukolesha patudi mu ntatu.—Flp 4:6, 7

• Kondo ka muoyo kimpe.—2Tm 1:3

• “Bulunda bujalame bua Yehowa.”—Mis 25:14

Mmushindu kayi undi mua kuleja ne: ndi ngangata ntendelelu mukezuke ne mushinga?