Ubalongeshe bua batungunuke ne kuenzela Yehowa mudimu

Dimonamona dia malu didi dileja ne: bamanyishi bapiabapia batubu balongesha katshia ku ntuadijilu bua kuikala ne tshibidilu tshia kuyisha ne tshisumi batu misangu ya bungi balua bamanyishi bimpe batambe. (Nsu 22:6; Flp 3:16) Mona imue ngenyi ya muudi mua kuambuluisha mulongi bua kuasaye tshishimikidi tshimpe bua mudimu wa buambi:

• Tuadija kutuisha mulongi webe milelu musangu umue padibu bamuanyishila bua kulua mumanyishi. (km 8/15 1) Muleja mushinga wa kuteka mudimu wa buambi mu malu ende a kuenza lumingu luonso. (Flp 1:10) Ikala wakula bimpe bua teritware wenu. (Flp 4:8) Mukankamija bua kuenza mudimu pamue ne mulombodi wa kasumbu ne bamanyishi bakuabu bua avudije dimanya diende.—Nsu 1:5; km 10/12 6 §3

  

• Padi mulongi webe utambula, kulekedi kumukankamija ne kumulongesha mu buambi to, nangananga padiye kayi muanji kujikija mukanda wa “Dinanga dia Nzambi.”—km 12/13 7

  

• Paudi mu buambi ne mumanyishi mupiamupia, yisha mu mushindu mupepele. Wewe mumane kuteleja mudiye uyisha, muela kalumbandi ne muoyo mujima. Umupeshe ngenyi yamuambulusha bua kulua mumanyishi muimpe menemene.—km 5/10 7