Londa mu makasa a Yezu bimpe menemene

Yezu mmutushile tshilejilu tshia tuetu kulonda nangananga patudi mu mateta anyi padibu batukengesha. (1Pt 2:21-23) Nansha pavuabu bapenda Yezu kavua waluja bipendu to, nansha pavuabu bamukengesha. (Mâk 15:29-32) Ntshinyi tshivua tshimuambuluishe bua kunanukila? Uvua mudisuike bua kuenza disua dia Yehowa. (Yne 6:38) Uvua kabidi mutuishile mêsu ku “disanka divua dimutekela kumpala.”—Eb 12:2.

Patu bantu batuenzela malu mabi bua ditabuja dietu tutu tuenza tshinyi? Bena Kristo balelela kabatu ‘bapingajila muntu bubi ku bubi’ to. (Lom 12:14, 17) Tuetu tuidikija mushindu uvua Yezu mutantamene ntatu netupete disanka bualu Nzambi neatuanyishe.—Mat 5:10-12; 1Pt 4:12-14.

NUTANGILE FILME WA DÎNA DIA YEHOWA KE DIDI NE MUSHINGA KUPITA BIONSO, PASHISHE NUANDAMUNE NKONKO EYI:

• Mmunyi muvua muanetu Gertrude Pötzingera muenze malu bimpe ne dîba diende pavuaye mu buloko bua nkaya?

• Nntatu kayi ivua muanetu Martin Pötzinger ne mukajende batantamene pavuabu mu tumponyi tua dienzejangana midimu mikole?

• Ntshinyi tshivua tshibambuluishe bua kutantamena ntatu?