Dinanga ntshimanyinu tshia bena Kristo balelela: Kuba buobumue buetu bua mushinga mukole

BUA TSHINYI? Yezu wakasambila butuku bua kutshia dituku dia lufu luende bua bayidi bende “bikale mu buobumue bua tshishiki.” (Yne 17:23, dim.) Bua tuetu kuikala mu buobumue, tudi ne bua kulejangana dinanga didi “kadiyi dibalulula malu mabi.”​—1Ko 13:5.

TSHIA KUENZA:

• Idikija Yehowa pa kukeba malu mimpe adi kudi bakuabu

• Fuilangana luse ne muoyo mujima

• Wewe mumane kujikija tshilumbu, kutshijudi kabidi to.​—Nsu 17:9

NUTANGILE FILME WA “NUIKALE NE DINANGA MUNKATSHI MUENU”​—KUBALULUDI MALU MABI ADIBU BAKUENZELA, PASHISHE NUANDAMUNE NKONKO EYI:

• Mu katupa ka kumpala ka filme eu, ntshinyi tshidi tshileja ne: Helene uvua ‘ubalula malu mabi avuabu bamuenzele’?

• Mu katupa kibidi ka filme eu, ntshinyi tshivua Helene muenze bua kumbusha ngelelu wa meji mubi, ne kulama mmuenenu muimpe wa malu?

• Ndekelu wa bionso, ntshinyi tshivua Helene muenze bua kulama buobumue bua tshisumbu?