“Dipa mu tshianza bua kupesha Yehowa”

Mmunyi mutudi mua ‘kulua lelu ne dipa mu tshianza bua kupesha Yehowa’? (1Ku 29:5, 9, 14) Kuinshi eku kudi mishindu ya bungi itudi mua kufila makuta anyi bintu ku budisuile bua kutua mudimu wa Bantemu ba Yehowa mpanda muaba utudi anyi pa buloba bujima.

MAPA MAFIDILA KU ENTERNETE ANYI MELA MU TUSHETE:

• 

  BUA MUDIMU WA PA BULOBA BUJIMA

  dibaka Betele ne biro bia mudimu wa dikudimuna ne diendesha midimu idi yenzekamu

  tulasa tua malu a Nzambi

  badi mu mudimu wa pa buawu wa ku dîba ne ku dîba

  diambuluisha badi malu makole makuate

  dipatula mikanda, filme, ne bintu bikuabu bia mu biamu

• 

  BUA DITULA MAKUTA MU TSHISUMBU

  makuta adi tshisumbu tshitula bu mudi bua nzembu ne mâyi ne bua kulongolola Nzubu wa Bukalenge

  makuta atu tshisumbu tshisuika bua kutumina biro bia Betele bua:

  • dibaka dia Nzubu ya Bukalenge ne Nzubu ya mpuilu pa buloba bujima

  • kuambuluisha bana betu pa buloba bujima

  • midimu mikuabu yonso ya pa buloba bujima

BUA MPUILU NE MPUNGILU

Makuta anutu nuela mu mpungilu wenu wa rejon batu baatuma bua mudimu wa buloba bujima. Kadi atubu batula bua mpuilu ya pa buayi, ne bua mpungilu ya rejon ne ya bantu bafumine mu matunga a bungi, batu baangatshila mu makuta a mudimu wa pa buloba bujima.

Makuta anutu nuela mu mpuilu wa tshijengu batu baatula bua kufutshila muaba unudi numuenzela, bua midimu itubu benzamu, bua kulama muaba wa mpuilu bimpe, ne bua malu makuabu a mu mpuilu amu. Makuta adi ashala badi mua kuatuma kabidi bua mudimu wa pa buloba bujima wa Bantemu ba Yehowa.