Imbila Yehowa musambu wa kumutumbisha nawu ne disanka

Paulo ne Sila bakatumbisha Yehowa ne musambu pavuabu mu buloko. (Bz 16:25) Kakuyi mpata, dimba diabu dia misambu diakabakolesha bua kunanukila. Kadi tuetu lelu? Misambu yetu ya ntendelelu ne misambu mikuabu idi mu site wetu idi mua kutukolesha ne kutuambuluisha bua kushala ne ditabuja nansha dîba didibu batukengesha. Bualu bua mushinga budi ne: idi itumbisha Yehowa. (Mis 28:7) Bavua batukankamije bua kukuata mêyi a misambu nansha mikese mu mutu. Ukadiku mukuate mêyi a imue misambu mu mutu anyi? Tudi mua kulonga misambu mu ntendelelu wetu wa mu dîku bua kukuata mêyi ayi mu mutu.

NUTANGILE FILME WA BANA BADI BATUMBISHA YEHOWA MU MUSAMBU, PASHISHE NUANDAMUNE NKONKO EYI:

• 

  Kuimba misambu ya Bukalenge kudi mua kutuambuluisha mushindu kayi?

• 

  Mmunyi mutu Tshibambalu tshia dikuata mêyi ne bindidimbi tshilongolola dikuata dia misambu?

• 

  Mmunyi mudi bana ne mêku abu badilongolola bua kukuata misambu?

• 

  Mmisambu kayi ya Bukalenge iutu wewe munange? Bua tshinyi?