Longesha balongi bebe ba Bible ne filme

Bintu bitu bantu bamona ne mêsu bitu bikoka ntema yabu ne bibambuluisha bua kumvua malongesha bimpe ne kuavuluka. Yehowa Mulongeshi wetu Munene uvua pende muleje bantu bintu bua kubalongesha malu a mushinga. (Gen 15:5; Yel 18:1-6) Yezu Mulongeshi munene uvua muenze pende nanku. (Mat 18:2-6; 22:19-21) Filme ntshimue tshia ku bintu abi tshidi tshiambuluishe bantu bikole bidimu bidi panshi ebi. Pautu ulongesha balongi bebe ba Bible, utu wenza mudimu bimpe ne filme anyi?

Mbalongolole filme dikumi bua kutuambuluisha bua kulongesha bimpe ne broshire wa Lumu luimpe lua kudi Nzambi. Tshiena-bualu tshia filme yonso tshidi tshipetangana ne lukonko lua mu nkonko mifiikisha idibu bele mu broshire amu. Broshire wa ku Enternete udi utuleja dîba dia kuela filme ayi. Mbasakidile kabidi filme mikuabu idi ipetangana ne malu adi mu mikanda ya mu Bintu bietu bia kulongesha nabi.

Tshiena-bualu tshinudi nulonga ne mulongi webe wa Bible ntshikole mua kutshiumvuaye anyi? Mulongi webe wa Bible udi utantamena lutatu kampanda anyi? Buela mu jw.org® ne mu TV wa jw.org®, ukebe filme udi mua kumuambuluisha. Pamuapa nudi mua kutangila nende filme au, nuenu kuyukidilangana bua malu adimu.

Batu bapatula filme ku ngondo yonso. Paudi uyimona, ikala wela meji bua muudi mua kulongeshangana nayi.