“Yehowa neasanke anyi?”

Kumpala kua tuetu kuangata dipangadika, nansha diodi dinene anyi dikese, mbimpe tudiebeje ne: ‘Yehowa neasanke anyi?’ Nansha mutudi katuyi mua kumanya malu onso a mudi Yehowa wela meji, kadi mmutuleje amue malu mu Dîyi diende bua tuikale bakumbane bua “mudimu wonso muimpe.” (2Tm 3:16, 17; Lom 11:33, 34) Yezu uvua mujingulule tshivua disua dia Yehowa bimpe menemene, ke kuditekaye pa muaba wa kumpala. (Yne 4:34) Bua tuetu kuidikija Yezu, mbimpe tuenze muetu muonso bua kuangata mapangadika adi asankisha Yehowa.—Yne 8:28, 29; Ef 5:15-17.

NUTANGILE FILME WA TUNGUNUKA NE KUJINGULULA TSHIDI DISUA DIA YEHOWA (LEW 19:18), PASHISHE NUANDAMUNE NKONKO EYI:

• Bua tshinyi tudi ne bua kutumikila mêyi manene a mu Bible?

• Mmêyi manene kayi atudi ne bua kutumikila patudi tusungula misambu ya kuteleja?

• Mmêyi manene kayi atudi ne bua kutumikila bua mvuadilu wetu ne didilengeja?

• Tudi ne bua kutumikila mêyi manene a mu Bible mu nsombelu kayi mikuabu?

• Mmunyi mutudi mua kuakaja mushindu wetu wa kujingulula tshidi Yehowa musue bua tuenze?