Nuenu bansonga, ikalayi ne “tshisumi bua midimu mimpe”

Mu mukanda uvua mupostolo Paulo mufundile Tito ku nyuma, wakalomba bansonga bonso too ne yeye Tito muine bua kudienzeja bua kuikala “tshilejilu tshia bienzedi bimpe mu mishindu yonso.” (Tit 2:6, 7) Paulo wakaleja lua ku ndekelu kua nshapita au ne: Yezu uvua mulengeje bantu ba Yehowa bua bikale ne “tshisumi bua midimu mimpe.” (Tit 2:14) Kuyisha bantu ne kubalongesha bua Bukalenge bua Nzambi ngumue wa ku midimu mimpe ayi. Biwikala nsonga, kuenaku mua kuenza mudimu wa bumpanda-njila buambuluishi peshi bua pa tshibidilu ne bukole buebe buonso anyi?—Nsu 20:29.

Wewe musue kuenza mudimu wa bumpanda-njila, longolola malu ebe bua umone mua kuwenza bimpe. (Luk 14:28-30) Tshilejilu, mmunyi muwikala upeta kasabanga pawalua mpanda-njila? Ntshinyi tshiwenza bua kukumbaja bungi bua mêba adibu balombe bampanda-njila? Sambila Yehowa bua akuambuluishe. (Mis 37:5) Yukila ne baledi bebe ne bana betu bakuabu badi benza mudimu eu bimpe. Pashishe utuadije kuenza malu kampanda bua kukumbaja tshipatshila tshiebe. Kakuyi mpata, Yehowa neakubeneshe wewe wenza mudimu eu ne tshisumi tshia bungi!

NUTANGILE FILME WA BANSONGA BADI BATUMBISHA YEHOWA, PASHISHE NUANDAMUNE NKONKO EYI:

• Nntatu kayi ivua bamue bampanda-njila batantamene? Mmunyi muvuabu bayitantamene?

• Mmunyi mudi baledi mua kuambuluisha bana babu bua balue bampanda-njila ba pa tshibidilu?

• Kuikala ne programe wa buambi kudi ne mushinga bua tshinyi?

• Ntshinyi tshidi bena mu tshisumbu mua kuenza bua kukankamija bampanda-njila ne kubambuluisha?

• Bana betu badi benza mudimu wa bumpanda-njila batu bapeta masanka kayi?