“Tungunukayi ne kuelela malu aa meji”

Malu kayi au? Filipoyi 4:8 udi utulomba bua kuela meji a malu adi malelela, adibu ne bua kuditatshishila bikole, adi makane, adi makezuke, adibu ne bua kunanga, adibu bakula bimpe bua bualu buawu, adi mimpe, ne adibu ne bua kutumbisha. Kadi bualu ebu kabuena bumvuija ne: bena Kristo kabena mua kuenza bualu bukuabu, bikale anu batume meji abu ku malu a mu Bible dîba dionso to. Tshidibi, mbimpe tuikale anu tuela meji a malu adi asankisha Yehowa. Katuedi meji a malu adi mua kutekesha dipangadika dietu dia kushala ne lulamatu kudiye to.​—Mis 19:14.

Bidi mua kutukolela bua kuepuka ngenyi mibi. Tudi tuluangana ne meji etu a dipanga bupuangane, tuluangana kabidi ne Satana udi “nzambi wa ndongoluelu wa malu eu.” (2Ko 4:4) Yeye ke udi ulombola malu adi enzeka pa buloba bujima. Ke bualu kayi, malu a bungi adibu bakula ku TV, ku tudiomba, ku Enternete, anyi adibu bafunda mu bikandakanda nansha mu mikanda adi anu mabi. Tuetu tubueja bintu bibi mu mitu yetu, nebinyange meji etu ne ndekelu wa bionso nebinyange kabidi bienzedi bietu.​—Yak 1:14, 15.

NUTANGILE FILME WA EPUKA MALU ADI ANYANGA LULAMATU: DIJIKIJA DIA LUTETUKU DIBI, PASHISHE NUANDAMUNE NKONKO EYI:

• 

  Muanetu eu uvua ne tshibidilu tshia kutangila tshinyi mu telefone wende? Bualu abu buakamufikisha ku tshinyi?

• 

  Mmunyi muvua mvese wa mu Galatiya 6:7, 8 ne wa mu Misambu 119:37 mimuambuluishe?