Tuakajayi nyishilu wetu: Tuyishe bantu bilondeshile mudibu

MUSHINGA: Bela manyi ne mikoko mikuabu badi babikila bantu ba mishindu yonso bua balue ‘kuangata mâyi a muoyo tshianana.’ (Bua 22:17) Mâyi a mu tshimfuanyi au mmalu onso adi Yehowa mulongolole bua kusungila bantu badi bamutumikila ku mpekatu ne lufu. Tuetu basue kuambuluisha bantu ba bikadilu ne bitendelelu bishilashilangane, mbimpe tubambile “lumu luimpe lua tshiendelele” bilondeshile mudi muntu ne muntu.​—Bua 14:6.

TSHIA KUENZA:

• Sungula tshiena-bualu ne mvese bidi mua kulenga mioyo ya bena mu teritware wenu. Udi mua kulonda lungenyi lua mua kuyukila ne bantu, anyi kusungula tshintu tshiukadi muyishe natshi bimpe menemene. Mbiena-bualu ne mvese kayi bitu bisankisha bantu? Kudi bualu bupiabupia butshidi pa ndimi ya bantu mu teritware wenu anyi? Ntshiena-bualu kayi tshidi mua kusankisha tatu anyi mamu?

• Elangana muoyo mutubu bawelangana muaba unudi, unemeke ne amue malu atu a tshibidilu.​—2Ko 6:3, 4

• Ikala mumanye malu adi mu mikanda ne mu filme ya mu Bintu bietu bia kulongesha nabi bua umone mua kuyisha bantu badi banyisha bulelela

• Ambula bintu bia mu miakulu ya bantu baudi mua kutuilangana nabu mu teritware wenu

• Enza bua bualu buudi wakuila buambuluishe unudi nuyikila nende. (1Ko 9:19-23) Tshilejilu, wewe mumvue ne: muntu au mmufuishe, neumuambile tshinyi?

NUTANGILE FILME, PASHISHE NUANDAMUNE NKONKO EYI:

• Ntshiena-bualu kayi tshikavua mumanyishi mutuadije kuyukidila ne muntu?

• Mbualu kayi buvua butonde muntu au?

• Mu nsombelu au, bivua bikengela kumubadila mvese kayi? Bua tshinyi?

• Mmushindu kayi uutu ulongolola tshia kuambila bantu mu teritware wenu bilondeshile mudibu?