“Buloba bujima butshivua ne muakulu umue”

11:1-4, 6-9

Ku Babele, Yehowa wakakondakaja muakulu wa bantu bena mutu mukole bua kubatangalaja. Kadi lelu udi usangisha musumba munene wa bantu ba mu bisamba bionso ne mu miakulu yonso, ubapesha “muakulu mukezuke” bua bamone “mua kubila dîna dia Yehowa, bua bamuenzele mudimu dikaya dituangane ne dikaya dikuabu.” (Sef 3:9; Bua 7:9) “Muakulu mukezuke” au mbulelela bua mu Bible budi butangila Yehowa ne malu adiye mulongolole.

Kulonga muakulu mupiamupia kudi kulomba malu a bungi, ki nganu kukuata miaku yawu ku muoyo to. Kudi kulomba kulonga mua kutuadija kuela meji mushindu mukuabu. Bia muomumue, patudi tulonga muakulu mukezuke, udi ushintulula ngelelu wetu wa meji. (Lom 12:2) Tudi tutungunuka ne kuenza nanku, bienza bua bantu ba Nzambi bikale mu buobumue.​—1Ko 1:10.