TUIKALAYI NE NSOMBELU WA BUENA KRISTO
Mmalu kayi andi ntamba kuangata ne mushinga?
Yakoba wakaluangana ne muanjelu bua kupeta tshintu tshia mushinga wa bungi: dibenesha dia kudi Yehowa. (Gen 32:24-31; Hos 12:3, 4) Kadi tuetu? Tudi tudienzejaku ne muetu muonso bua kutumikila Yehowa ne kupeta dibenesha diende anyi? Tshilejilu, tuteke ne: udi mu tshisalu dituku dia bisangilu, padi dîba dia bisangilu dikumbana ke padi bantu batuadija kukusumba bintu bikole; neuye mu bisangilu anyi? Peshi neuwanji kusakula? Patudi tupesha Yehowa dîba dietu, bukole buetu ne bitudi nabi, udi ‘utulokeshila dibenesha too ne padiku kakuyi kupangika tshintu nansha tshimue.’ (Mal 3:10) Neatulombole ne neatukube, utukumbajila majinga etu.—Mat 6:33; Eb 13:5.
NUTANGILE FILME WA DIFILA BIKOLA KU BIPATSHILA BIA MU NYUMA, PASHISHE NUANDAMUNE NKONKO EYI:
Nku tshinyi kuvua tshintu tshivua muanetu wa bakaji eu munange tshilue buteyi kudiye?
Mudimu wetu udi mua kulua buteyi kutudi mushindu kayi?
Nansha mukavua Timote mulue muena Kristo mushindame, bua tshinyi uvua anu ne bua kutungunuka ne kudifundila bipatshila bia mu nyuma?—1Tm 4:16
Mmalu kayi autu utamba kuangata ne mushinga?
Ntshinyi tshidi mua kuleja ne: mudimu kampanda ke utudi tuangata ne mushinga wa bungi?