Dimuka! Lekela kumuangalaja malu a dishima

Lelu, bantu miliyo ya bungi badi mua kumanyishangana malu ne lukasa luonso ku diambuluisha dia bintu bidibu bafunda pa mabeji, ku tudiomba, ku TV, ne ku Enternete. Batendeledi ba “Nzambi wa bulelela” kabena ne bua kumuangalaja ngumu ya dishima nansha ku mpukampuka to (Mis 31:5; Eks 23:1) Kumanyishangana malu a mafi kudi mua kuenzelangana bibi menemene. Wewe ujinga kumanya bikala bualu buudi usua kuambila muntu mbulelela, diebeja ne:

• ‘Ndi mubupetele muaba muimpe wa kueyemena anyi?’ Pamuapa muntu udi mukumanyishe lumu kampanda ki mmumanye malu onso to. Patu bantu bamanyishangana malu, batu basakidila amue ne bumbushila makuabu. Nunku ikala ne budimu biwikala kuyi mumanye muvua bualu abu buenzeke. Bana betu badi ne midimu mu tshisumbu mbantu bakueyemena, nanku mbimpe bikale nangananga ne budimu bua kubenga kuambilangana malu adibu kabayi ne bijadiki

• ‘Bualu ebu nebunyange lumu lua muntu anyi lua tshisumbu tshia bantu anyi? Biobi nanku, mbitambe buimpe bua kubenga kubuambilangana.​—Nsu 18:8; Flp 4:8

• ‘Bualu ebu mbulelela anyi?’ Ikala mudimuke paudi uteleja miyuki idi mua kuenza bakuabu mubidi mashika

NUTANGILE FILME WA MMUNYI MUNDI MUA KULEKELA KUAKULA BIBI BUA BAKUABU? PASHISHE NUANDAMUNE NKONKO IDI ILONDA EYI:

• 

  Bilondeshile Nsumuinu 12:18, mmalu kayi mabi adi mêyi etu mua kuenzelangana?

• 

  Mmunyi mudi Filipoyi 2:4 utuambuluisha bua kuikala ne nkatshinkatshi patudi tuakula malu a bakuabu?

• 

  Ntshinyi tshitudi ne bua kuenza padi bantu batuadija kuakula bibi bua bakuabu?

• 

  Kumpala kua tuetu kuakula malu a bakuabu, nkonko kayi itudi ne bua kudiela?