Angata malanda ebe ne Yehowa ne mushinga wa bungi

Tuetu Bantemu ba Yehowa badi ne diakalenga dinene. Bu mutudi bena Kristo baditshipe ne babatijibue, tudi tutungunuka ne kukolesha malanda etu a nsungansungu ne Mukalenge Mutambe Bunene Yehowa. Mmutukoke kudiye ku butuangaji bua Muanende. (Yne 6:44) Udi uteleja masambi etu.​—Mis 34:15.

Tshia kuenza ntshinyi bua kulama malanda etu a mushinga mukole atukadi badie ne Nzambi? Bumue bualu bua kuenza nkuepuka dienza malu mabi a buena avua bena Isalele benze. Matuku makese panyima pa bobu bamane kudia tshipungidi ne Yehowa, bakenza kana ka ngombe ka or, kuluabu batendeledi ba mpignu. (Eks 32:7, 8; 1Ko 10:7, 11, 14) Mbimpe tudiebeje ne: ‘Ntu ngenza tshinyi patu muoyo unsaka bua kuenza bualu bubi? Malu antu ngenza atu aleja ne: ndi ngangata malanda anyi ne Yehowa ne mushinga anyi?’ Tuetu banange Tatu wetu wa mu diulu ne muoyo umue nebituambuluishe bua kukina malu adiye mukine.​—Mis 97:10.

NUTANGILE FILME WA LAMA MALANDA EBE NE YEHOWA (Kls 3:5), PASHISHE NUANDAMUNE NKONKO IDI ILONDA EYI:

• Dialakana ntshinyi?

• Bua tshinyi tudi ne bua kulekela lukuka ne ditendelela dia mpingu?

• Kuenda masandi ne kutendelela mpingu mbifuanangane ku tshinyi?

• Bua tshinyi bana betu badi ne midimu mu bulongolodi bua Nzambi badi ne bua kutabalela nangananga majinga a bena dibaka nabu?