Wewe ukadi penyi ne tshipatshila tshiebe tshia kubatijibua?
TUIKALAYI NE NSOMBELU WA BUENA KRISTO
Angata dipangadika dia kuenzela Yehowa mudimu
Biwikala nsonga anyi mulongi wa Bible, ukadi mudifundilaku tshipatshila tshia kubatijibua anyi? Bua tshinyi mbimpe ubatijibue? Bualu padi muntu udilambula kudi Yehowa ne ubatijibua udi ubuela nende mu malanda a nsungansunga. (Mis 91:1) Bidi bimupetesha kabidi lupandu. (1Pt 3:21) Ntshinyi tshiudi mua kuenza bua kudilambula kudi Yehowa ne kubatijibua?
Dijadikila nkayebe ne: mbulelela. Nkonko yoyi ikuluila mu mutu, dikebuluila mandamuna ayi. (Lom 12:2) Keba bua kumanya malu adi akengela kushintulula, udifundile tshipatshila tshia kusankisha anu Yehowa. (Nsu 27:11; Ef 4:23, 24) Mulomba diambuluisha misangu yonso. Ikala mutuishibue ne: Yehowa neakupeshe bukole ne neakukuatshishe ne nyuma wende muimpe. (1Pt 5:10, 11) Bionso biudi udienzeja bua kuenza kabiakuya mu mâyi to. Kuenzela Yehowa mudimu ke nsombelu mulenga wa katshia!—Mis 16:11.
NUTANGILE FILME WA MUA KUFIKA TOO NE KU BATISMO, PASHISHE NUANDAMUNE NKONKO EYI:
Mmalu kayi adi bamue batantamene bua kufikabu ku dibatijibua?
Bua kupeta ditabuja diakufikisha ku didilambula kudi Yehowa mbimpe wenze tshinyi?
Ntshinyi tshivua tshisake bamue ku diela bidia bivua bibafikishe ku batismo?
Bantu badi bangata dipangadika dia kuenzela Yehowa mudimu badi bapeta mabenesha kayi?
Kudilambula kudi Nzambi ne kubatijibua kudi kumvuija tshinyi?