Sungula balunda bebe ne meji

Malu avua mafikile bena Isalele mu Moaba adi didimuija kudi bena Kristo. (1Ko 10:6, 8, 11) Bena Isalele bakatuadija kusomba ne bantu bakaji bena Moaba bavua batendelela mpingu ne benda masandi. Bakafika ku dienza mpekatu minene. Biobi kubatuadila kanyawu. (Nom 25:9) Tudi munkatshi mua bena mudimu netu, balongi betu, bena mutumba, ne bamanyangana nabu badi kabayi batendelela Yehowa. Muyuki wa mu Bible eu udi utulongesha tshinyi bua njiwu idi mua kutufikila tuetu badie bulunda ne bantu badi kabayi batendelela Yehowa?

NUTANGILE KATUPA KA FILME WA BILEJILU BIDI BITUDIMUIJA MATUKU ETU AA, PASHISHE NUANDAMUNE NKONKO EYI:

• 

  Mmeji mabi kayi avua Zimeli ne bakuabu baleje Yamina?

• 

  Mmunyi muvua Pinehasa muambuluishe Yamina bua kumona malu mu mushindu muimpe?

• Ndishilangana kayi didi pankatshi pa kuikala bimpe ne muntu udi kayi muena kuitabuja ne kuikala mulunda wende?

• Bua tshinyi mbimpe tuikale badimuke patudi tusungula balunda nansha mu tshisumbu?

• Bua tshinyi katuena ne bua kuyukila ne bantu batudi tuetu bine katuyi bamanye ku Enternete?