Leja dinanga mu dîku diebe

Dinanga mbudimbu budi bulamakaja bena mu dîku pamue. Mu dîku muomu kamuyi dinanga, nebikole bua benamu kulama buobumue ne kueleshangana diboko. Mmunyi mudi balume, bakaji, ne baledi mua kuleja dinanga mu mêku?

Mulume udi ne dinanga udi utabalela majinga a mukajende, mmuenenu wende ne mudiye umvua. (Ef 5:28, 29) Udi udisha bena mu dîku diende mu nyuma ne ku mubidi, wenza ne ntendelelu wa mu dîku pa tshibidilu. (1Tm 5:8) Mukaji udi ne dinanga udi ukokela bayende, ne umuleja “kanemu kakole.” (Ef 5:22, 33; 1Pt 3:1-6) Mulume ne mukajende badi ne bua kufuilangana luse ne muoyo mujima. (Ef 4:32) Baledi badi ne dinanga badi batabalela muana ne muana ne badi babalongesha mua kunangabu Yehowa. (Dut 6:6, 7; Ef 6:4) Mbimpe bamanye ntatu idi bana babu bapeta mu tulasa, ne mudibu batantamena dibasuya dia bena mulongo nabu bua kuenza malu mabi. Mu dîku muomu dinanga, benamu bonso nebikale bimpe mu bukubi.

NUTANGILE FILME WA LEJA DINANGA DIDI KADIYI DISHIKILA MU DÎKU DIEBE, PASHISHE NUANDAMUNE NKONKO EYI:

• 

  Mmunyi mudi mulume udi ne dinanga udisha mukajende ne umutua mushinga?

• 

  Mmunyi mudi mukaji udi ne dinanga uleja bayende kanemu kakole?

• 

  Baledi badi ne dinanga badi balongesha bana babu Dîyi dia Nzambi mushindu kayi?