Malongesha adi nsombelu wa Samuele utupetesha

Samuele wakashala ne lulamatu kudi Yehowa mu nsombelu wende mujima. Patshivuaye mupuekele, wakabenga bua kunyanguka bu bana ba Eli aba: Hofeni ne Pinehasa. (1Sm 2:22-26) Samuele wakatungunuka ne kukola, ne Yehowa uvua anu nende. (1Sm 3:19) Nansha pakaluaye muntu mukole, wakatungunuka ne kuendela mu njila ya Yehowa nansha muvua bana bende abu bapange kuendelamu.​—1Sm 8:1-5.

Tshilejilu tshia Samuele tshidi tshitulongesha tshinyi? Wewe nsonga, ikala mushindike ne: Yehowa mmumanye ntatu yebe ne muudi umvua. Udi ne bukole bua kukuambuluisha bua wikale ne dikima. (Yes 41:10, 13) Wewe muledi, bikala muanebe mupambuke, manya ne: nansha Samuele pende kavua mua kuenzeja bana bende bakavua bantu bakole bua kushala balamate mikenji ya Yehowa to; kuvuluka bualu ebu nekukukoleshe. Wakalekeela Yehowa bualu abu mu bianza, eku udienzeja bua kulama muoyo wende mutoke ne kusankisha Yehowa Tatuende wa mu diulu. Pamuapa tshilejilu tshiebe tshimpe netshisake muanebe bua kupingana kudi Yehowa.

NUTANGILE FILME WA BILEJILU BIABU BIKULONGESHE: SAMUELE, PASHISHE NUANDAMUNE NKONKO EYI:

• 

  Mmunyi muvua Samuele muleje dikima patshivuaye mupuekele?

• 

  Mmunyi muvua Danny muleje dikima?

• 

  Mmunyi muvua Samuele mulue tshilejilu tshimpe pakavuaye mukulumpe?

• 

  Mmunyi muvua baledi ba Danny balue tshilejilu tshimpe kudiye?