TUIKALAYI NE NSOMBELU WA BUENA KRISTO | DIFUNDILA MALU A KUKUMBAJA MU TSHIDIMU TSHIA MUDIMU TSHIPIATSHIPIA
Kuya muaba udibu dijinga ne bamanyishi ba bungi
Bidi bikengela wikale ne ditabuja bua kumbuka muaba uudi muibidilangane nawu ne kuya muaba mupiamupia bua kualabaja mudimu webe wa buambi. (Eb. 11:8-10) Wewe wela meji ne: udi mua kuya kuambuluisha muaba udibu dijinga ne bamanyishi ba bungi, yukile ne bakulu bua bualu abu. Mmalu kayi masunguluke audi mua kuenza bua kumanya bungi bua makuta audi mua kutula ne muaba uudi mua kusombela? Kebulula tshidibu bambe mu mikanda yetu bua diya kuambuluisha muaba udibu dijinga ne bamanyishi ba bungi. Yukila ne bakadi bakokesha bua kumbuka muaba uvuabu ne baye kuambuluisha mu tshisumbu tshikuabu. (Nsu. 15:22) Sambila Yehowa umulombe buludiki. (Yak. 1:5) Keba mua kumanya nsombelu wa muaba uudi musue kuya, ne koku mushindu udi mua kuya kuendakana muaba au nansha bua matuku ndambu kumpala kua wewe kupangadija bua kuya kusombelaku.
NUTANGILE FILME WA BUELELA KU TSHIIBI TSHIDI TSHIFIKISHA KU MUDIMU NE DITABUJA DIONSO—NDAKU MUABA UDIBU NE DIJINGA DIKOLE DIA BAMANYISHI, PASHISHE NUANDAMUNE LUKONKO ELU:
Mmalu kayi avua Gabriel ne bua kushintulula mu nsombelu wende? Ntshinyi tshivua tshimuambuluishe?