Keba meji bua nsombelu wa dituku dionso mu JW.ORG

Dîyi dia Nzambi didi dituambuluisha bua kupita bimpe ne ntatu mu matuku makole a ku nshikidilu aa. (2Tm 3:1, 16, 17) Kadi kudi misangu itudi mua kuikala dijinga ne diambuluisha bua kupeta mêyi manene a mu Bible adi apetangana ne nsombelu kampanda. Tshilejilu, udi muledi udi ukeba mibelu ya mua kukolesha bana anyi? Udi nsonga udi uluangana mvita ya ditabuja anyi? Udi ne kanyinganyinga kakole bua muudi mufuishe muena dibaka nebe anyi? Wewe mubuele mu site wa jw.org, neupete malu akupetesha mêyi manene a mu Bible adi mua kukuambuluisha mu nsombelu ya nunku nansha mu mikuabu ya bungi.​—Nsu 2:3-6.

Buela mu jw.org mu tshitupa tshia MALONGESHA A MU BIBLE. (Tangila tshimfuanyi 1.) Mu mêna adi apatuka kuinshi aku udi mua kusungula kazubu kadi kakusankisha. Peshi udi mua kubuela mu TSHITEKELU TSHIA MIKANDA > TSHIKEBELU TSHIA BIENA-BUALU ne kusungula tshiena-bualu tshiudi musue. (Tangila tshimfuanyi 2.) Udi mua kupeta kabidi tuzubu tua muomumue etu mu JW Library^®.a Wewe muye kukeba biena-bualu bidi miaba yonso ibidi eyi nebikusankishe bikole. Tshikuabu tshiudi mua kuenza nkufunda tshiena-bualu kampanda tshisunguluke muaba wa kukebela bintu udi mu jw.org.

Funda biena-bualu binene bidi bilonda ebi muaba wa kukebela, pashishe usungule biena-bualu biudi musue kubala ne ubifunde ku luseke.

• Dikolesha bana

• Ntatu ya bana ba bitende

• Lufu lua muena dibaka nebe