Tuaku ntatu ya malu a mpetu tshiadi ne dishindika dionso

Nsombelu wa mu matuku a ku nshikidilu mmuwule ntente ne ntatu. Bu mutudi tuenda tusemena ku nshikidilu wa ndongoluelu wa malu eu, ntatu neyitungunuke anu ne kuvula. Imue misangu tudi mua kuikala bapangile bintu bitudi nabi dijinga. (Hab 3:16-18) Ntshinyi tshiatuambuluisha bua kutua nsombelu au tshiadi bashindike ne: netumutantamene? Tudi ne bua kutungunuka ne kueyemena Yehowa Nzambi wetu. Mmulaye bua kutabalela batendeledi bende, ne udi mua kutupesha bitudi tukengela nansha tuetu mu nsombelu kayi.​—Mis 37:18, 19; Eb 13:5, 6.

Tshiudi mua kuenza:

• Lomba Yehowa bua akupeshe buludiki ne meji, ne akukuatshishe.​—Mis 62:8.

• Ikala mudiakaje bua kuitaba mudimu wuvua pamuapa kuyi muanji kuenza kumpala.​—g-F 1/10 8, 9, tuzubu

• Lama bibidilu bimpe bia mu nyuma, bu mudi kubala Bible dituku dionso, kubuela mu bisangilu bia tshisumbu, ne kuyisha pa tshibidilu

NUTANGILE FILME WA IBAKA NZUBU WASHALAKU KASHIDI​—‘SANKA NE BINTU BIUDI NABI,’ PASHISHE NUANDAMUNE NKONKO EYI:

• Nntatu kayi ivua amue mêku matuilangane nayi?

• Ntshinyi tshidi ne mushinga wa bungi menemene mu nsombelu?

• Mmunyi mutudi mua kuambuluisha badi ne ntatu ya malu a makuta?