Mua kuyisha ne filme ya dilonga dia Bible

Tudi ne filme inayi ya kulongesha nayi bantu Bible mu mudimu wa buambi. Ntshinyi tshivuabu benzele yonso wa kudiye?

• 

  Wa Bua tshinyi mbimpe kulonga Bible?​—Filme mujima mmuenza bua kusaka bantu bua banange malu a mu Bible, nansha bobu mu tshitendelelu kayi. Udi usaka bantu bua kukeba mandamuna a nkonko minene ya mu nsombelu, kuakebela mu Bible. Udi ufila kabidi dimue dia ku mandamuna mapepele adi umvuika bimpe adimu. Udi uleja mudi muntu mua kulomba bua balue kumulongesha Bible.

• 

  Wa Bua tshinyi mbimpe kulonga Bible? (Filme wa tshitupa) udi tshia bisatu tshia bule bua filme mujima. Udi mua kuambuluisha bikole mu teritware itu bantu ba bungi kabayi ne dîba dia kuyukila ne bakuabu to.

• 

  Wa Mmushindu kayi utu dilonga dia Bible dienzeka? mmuenza bua kusaka bantu bua bitabe programe wetu wa dibalongesha Bible kabayi bafuta ne bua kuandamuna nkonko itu bantu badiela bua dilonga dia Bible, ne mudibu mua kulomba bua balue kubalongesha Bible.

• 

  Wa Tudi tukujingila dilonga dia Bible dilenga mmuenza bua kumuleja balongi ba Bible. Nansha mudi filme eu mu dibeji dibidi dia mukanda wa Shala ne muoyo kashidi! tudi kabidi mua kumuleja bantu patudi tulonga nabu broshire wa Shala ne muoyo kashadi! Mu filme eu badi bakula bua malu adi mu mukanda eu ne alua mulongi kumanya mu dilonga diabu.

Nansha mudibu benze filme yonso ne tshipatshila tshisunguluke, tudi mua kuyileja mulongi anyi kumutuminayi dîba dionso didibi bikengela. Badi bakankamija bamanyishi bua bibidilangane ne filme eyi ne bikale bayisha nayi bimpe.