Udi pebe mua kuenza bua disanka dikale mu dîku dienu

Yehowa mmusue bua bena mu mêku bikale ne disanka. (Mis 127:3-5; Mbi 9:9; 11:9) Kadi tudi mua kujimija disanka bua tunyinganyinga tukebesha kudi malu a pa buloba ebu anyi bilema bia bena mu mêku etu. Ntshinyi tshidi muena mu dîku yonso mua kuenza bua disanka dikale mu dîku?

Mulume apeshe mukajende bunême. (1Pt 3:7) Ikale usomba ne mukajende. Kikadi umulomba bua yeye kuenza bidiye kayi mua kukokesha to, ne ikale umuela tuasakidila bua bidiye umuenzela yeye ne dîku dijima. (Kls 3:15) Ikale uleja mudiye mumunange ne umutumbisha.​—Nsu 31:28, 31.

Mukaji akebe mishindu idiye mua kutua bayende mpanda. (Nsu 31:12) Ikale ukokela bayende ne umuelesha diboko. (Kls 3:18) Ikale umuambila malu ne kanemu, kayi wakula bibi bua bualu buende to.​—Nsu 31:26.

Baledi bikale basomba ne bana babu. (Dut 6:6, 7) Bikale bambila bana babu ne: mbabanange. (Mat 3:17) Badi baleja mudibu ne dinanga ne busunguluji padibu babanyoka.​—Ef 6:4.

Bana bikale bapesha baledi babu bunême ne babatumikila. (Nsu 23:22) Bikale bambila baledi babu mudibu bela meji ne mudibu bumvua. Bikale bitaba manyoka a kudi baledi babu ne babanemeka.​—Nsu 19:20.

NUTANGILE FILME WA IKALAYI NE DISANKA MU DÎKU DIENU, PASHISHE NUANDAMUNE LUKONKO ELU:

• Ntshinyi tshivua muena mu dîku yonso mmuenze bua disanka kuikaladi mu dîku?