TUIKALAYI NE NSOMBELU WA BUENA KRISTO
Balami badi badienzeja bua kuambuluisha bantu ba Yehowa
Bantu ba bungi batu bamona bantu badi ne bukokeshi mu mushindu mubi. Tudi tumvua bua tshinyi batu babamona nanku. Bualu kudi bantu ba bungi bavua bakokeshe mu mushindu mubi anu bua kuwuja yabu mpaya. (Mik 7:3) Tudi ne disanka dia bungi bua mudibu balongeshe bakulu bua kuenza mudimu ne bukokeshi budibu nabu bua kuambuluisha bantu ba Yehowa.—Est 10:3; Mat 20:25, 26.
Bakulu mbashilangane ne bakokeshi ba panu, badi benza mudimu wabu wa butangidi bualu mbanange Yehowa ne bantu bende. (Yne 21:16; 1Pt 5:1-3) Balami aba badi bambuluisha mumanyishi yonso bua ikale udiumvua ne: udi kuabu mu dîku dia batendeledi ba Yehowa ne bua ashale pabuipi ne Yehowa. Yezu ke udi ulombola balami aba mu mudimu eu. Kabatu bajanguluka bua kukankamija mikoko ya Yehowa ne bua kuyambuluisha padi disama dia tshimpitshimpi diyikuata anyi padi tshipupu tshienzeka to. Wewe dijinga ne diambuluisha, yukila ne mukulu wa mu tshisumbu tshienu.—Yak 5:14.
NUTANGILE FILME WA BALAMI BADI BATABALELA TSHISUMBU TSHIA MIKOKO, PASHISHE NUANDAMUNE NKONKO EYI:
Mushindu uvua bakulu bambuluishe Mariana wakamukankamija mushindu kayi?
Mushindu uvua bakulu bambuluishe muanetu wa balume Elias wakamukankamija mushindu kayi?
Paudi mutangile filme eu, udi umvua bishi bua mudimu udi bakulu benza?