TUIKALAYI NE NSOMBELU WA BUENA KRISTO

Ambuluisha bantu batu kabayi batendelela bua bamanye Mufuki wabu

Bikadiku bikufikile bua kubenga kuyisha muntu utu kayi utendelela, wela meji ne: kakukuteleja anyi? Pikalabi nanku, vuluka ne: bantu ba bungi bavua kabayi batendelela, pamue ne bantu bavua kabayi bitaba dikalaku dia Nzambi mbafike ku dilua Batemu ba Yehowa. Kukonkonona nabu bijadiki bikese tshianana pa tshibidilu ke kuakabafikisha ku ditabuja ne: Nzambi udiku.—Lom 1:20; 10:14.

NUTANGILE FILME WA BANTU BADI KABAYI BATENDELELA YEHOWA BADI MUA KUPETA DITABUJA —BANTU BATU KABAYI BATENDELELA, PASHISHE NUANDAMUNE LUKONKO ELU:

Mmunyi mudi bualu bua Tommaso bukuambuluisha bua kumona ne: mbimpe kuyisha bantu badi kabayi batendelela?

Andamuna

Tshia kuenza

Muntu yeye mukuambile ne: katu witabuja Nzambi, dienzeja bua kuyukila nende bimpe ne bukalanga; umuteleje ne ntema yonso padiye ukuambila mudiye wela meji. (2Tm 2:24) Yukila nende malu adi pamuapa mua kukoka ntema yende. Yeye muitabe bua kumanya bijadiki bidi bifikishe bantu ba bungi ku ditaba ne: kudi Mufuki, umuleje filme yetu anyi mikanda idi ne bijadiki abi. Mbasakidile broshire wa La vie a-t-elle été créée? ne wa Cinq questions à se poser sur l’origine de la vie, mu Bintu bietu bia kulongesha nabi bua tuikale tuyipeta bipepele.

Wewe muanji kumvua kabuôwa bua kuyukila ne muntu utu kayi witabuja Nzambi, lomba muambi wa lumu luimpe mupiluke bua akuambuluishe. Vuluka kabidi ne: Yehowa udi mua kutuambuluisha bua kulenga mioyo ya bantu badi bakaje muoyo wabu, nansha biobi ne: kumpala kabavua bitaba dikalaku diende.—Bz 13:48.