LUMINGU LUA DIA 6-12/5

BIUMA BIA MU DÎYI DIA NZAMBI

1. ‘Kufiiki munda bua bantu babi to’

(Min. 10)

Bantu babi badi batukebela makenga (Mis 36:1-4; w17.04 10 §4)

Tuetu bashale bakuatshile bantu babi tshiji tudi tudienzela bibi (Mis 37:1, 7, 8; w22.06 10 §10)

Tuetu beyemene milayi ya Yehowa tudi tupeta ditalala (Mis 37:10, 11; w03 1/12 13 §20)

Muanetu wa bakaji upampakana padiye ubala ngumu mu tshiamua tshiende. Udi umona bantu benza bimfundu, bakosa mpulushi mishiku, basalayi bakuma bingoma, muntu ne tshingoma muaba wa kutekela mashinyi, bangondavi bambule bintu bidibu banyengangane, bimvundu mu tshimenga, ne baminganga badi balue muaba uvua njiwu ya mashinyi mienzekele.

DIEBEJA NE: ‘Ndi ntamba kutuma meji ku malu mabi a tshikisu adibu bakuila mu ngumu anyi?’

2. Bubanji bua mu Dîyi dia Nzambi

(Min. 10)

Mis 36:6: Ntshinyi tshivua muimbi wa misambu usua kuamba pavuaye mufuanyikije buakane bua Yehowa ne “mikuna minene [anyi “mikuna ya Nzambi,” dim.]”? (it-2-F 341)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Mis 37:1-26 (th dilonga dia 10)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. (lmd dilongesha dia 1 kamutu ka bualu 5)

5. Dipinganyina muntu

(Min. 4) PADI MPUNGA UMUENEKA. Lomba muntu uvua mubenga dilonga dia Bible kale bua nutuadije kulonga nende. (lmd dilongesha dia 9 kamutu ka bualu 4)

6. Muyuki

(Min. 5) ijwbv 45—Tshiena-bualu: Ntshinyi tshidi Misambu 37:4 umvuija? (th dilonga dia 13)

TUIKALAYI NE NSOMBELU WA BUENA KRISTO

7. Ukadi mudilongolole bua “bikondo bia dikenga” anyi?

(Min. 15) Diyukidilangana.

Pa buloba bujima, bena Kristo netu badi bakenga bualu mbajimije bintu ne mbafuishe balela babu bua bipupu bidi bidienzekele anyi bidi bantu bakebeshe. (Mis 9:9, 10) Bia dibungama, “bikondo bia dikenga” bidi mua kufika dîba kayi dionso. Nanku mbimpe tuetu bonso tuikale badilongolole.

Pa kumbusha dilongolola bintu biatuambuluisha mu tshikondo tshia tshipupu, ,a ntshinyi tshikuabu tshiatuambuluisha bua kunanukila mu tshikondo atshi?

Ikala mudilongolole mu lungenyi: Manya ne: bipupu bitu bienzeka, ne elengana meji a tshiwenza penzekabi. Kupitshi kunanga bintu to. Kuenza nanku nekukuambuluishe bua kuenza malu ne meji ne kumanya tshia kuenza ne lukasa bua kusungila muoyo webe pamutu pa kufuila bintu. (Gen 19:16; Mis 36:9) Nekukuambuluishe kabidi bua kutambi kusamisha mutu bua bintu biudi mujimije to.—Mis 37:19
Kolesha malanda ebe ne Yehowa: Mueyemena bikole, mumanye ne: mmusue kukutabalela ne udi ne bukole bua kukutabalela. (Mis 37:18) Kumpala kua tshipupu kuenzeka, ikala uvuluka ne: Yehowa neatulombole ne neatukuatshishe nansha tuetu mua kupanduka anu ne ‘mioyo yetu bu tshintu tshinyenga mu mvita.’—Yel 45:5; Mis 37:23, 24

Tuetu anu ne ditabuja dia ne: Yehowa neakumbaje milayi yende, tudi tumuvuija ‘muaba wetu mukolesha mu tshikondo tshia dikenga.’—Mis 37:39.

Diumvuija dia bimfuanyi: Bimfuanyi bia mu filme wa “Ukadi mudilongolole bua bipupu anyi?” 1. Muanetu wa balume ubala Bible. 2. Mâyi mapasalale. 3. Mvula wa tshipepele tshikole. 4. Bantu bambule bintu biabu bimane mu mâyi mapasalale.

Ela FILME wa Ukadi mudilongolole bua bipupu anyi? Pashishe webeje bateleji ne:

Mmunyi mudi Yehowa mua kutuambuluisha mu tshikondo tshia tshipupu?

Andamuna
Ntshinyi tshitudi mua kuenza bua kuikala badilongolole?

Andamuna
Mmunyi mutudi mua kuambuluisha bantu badi tshipupu tshikuate?

Andamuna

8. Dilonga dia Bible dia tshisumbu

(Min. 30) bt nshap. 9 § 8-16

Mêyi a ndekelu (Min. 3) | Musambu wa 57 ne disambila

a Tangila Tabulukayi! No. 5 2017, dibeji 4-6. (Mu Mfualansa)