LUMINGU LUA DIA 28/10–3/11

BIUMA BIA MU DÎYI DIA NZAMBI

1. Nzambi udi uvuluka ne: “Tudi lupuishi”

(Min. 10)

Luse ludi nalu Yehowa ke lutu luenza bua kikadi muena malu makole to (Mis 103:8; w23.07 21 §5)

Kena utubenga patudi tuenza bilema to (Mis 103:9, 10; w23.09 6-7 §16-18)

Kena windila bua tuenze malu atudi katuyi mua kukokesha bua kuenza to (Mis 103:14; w23.05 26 §2)

Mulume uteleja mukajende ne ntema yonso padiye umuambila malu adiye nawu ku muoyo.

DIEBEJA NE: ‘Ntuku ngenzela muena dibaka nanyi malu mu mushindu udi uleja ne: tshiena muena malu makole anu bu Yehowa anyi?’

2. Bubanji bua mu Dîyi dia Nzambi

(Min. 10)

Mis 104:24: Ntshinyi tshidi mvese eu utulongesha bua bukole budi nabu Yehowa bua kufuka bintu bipiabipia bishilashilangane? (cl 55 §18)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Mis 104:1-24 (th dilonga 11)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) MUABA UDI BANTU BA BUNGI. (lmd dilongesha 3, kamutu ka bualu 4)

5. Dipinganyina muntu

(Min. 4) KU NZUBU NE KU NZUBU. Yukila ne muntu udi muitabe bua kulonga Bible malu adi mu filme wa Tudi tukujingila dilonga dia Bible dilenga. (th dilonga 9)

6. Muyuki

(Min. 5) lmd tshisakidila tshia A, kamutu ka bualu 6—Tshiena-bualu: Mulume udi ne bua “kunanga mukajende bu mudiye mudinange.” (th dilonga 1)

TUIKALAYI NE NSOMBELU WA BUENA KRISTO

7. Udi mumanye mikalu yebe anyi?

(Min. 15) Diyukidilangana.

Kuenzela Yehowa mudimu ne muetu muonso kudi kumusankisha, kutupesha petu disanka. (Mis 73:28) Kadi tuetu tumuenzelawu ne muetu muonso katuyi tunemeka mikalu yetu, tudi mua kudikebela ntatu tshianana ne kuedibua mâyi ku makasa.

Muanetu wa bakaji uvuabu baleje mu Filme wa “Tudi mua kuenza bia bungi tuetu tuenza malu atudi mua kukumbaja.”

Ela FILME wa Tudi mua kuenza bia bungi tuetu tuenza malu atudi mua kukumbaja. Pashishe webeje bateleji ne:

Ntshinyi tshidi Yehowa utulomba? (Mik 6:8)

Andamuna

Bimfuanyi bia mu filme wa “Tudi mua kuenza bia bungi tuetu tuenza malu atudi mua kukumbaja.” Muanetu wa bakaji ne mulunda wende mu restoran bakankamija mulongi wa Bible.

Ntshinyi tshivua tshiambuluishe muanetu wa bakaji bua kukepesha kanyinganyinga kavuaye naku ka kukumbaja tshipatshila tshiende?

Andamuna

MMUNYI MUTUDI MUA KUJINGULULA MIKALU YETU?

Kuikadi udifuanyikija ne muntu mukuabu to. (Gal 6:4) Kulekedi bakuabu bakuleja tshia kuenza anyi tshiudi umona ne: udi ukokesha bua kuenza to. Udi mua kuenza malu a bungi kupita muntu wa bukole bumue nebe anyi kuenza mashadile. Nsombelu wa mu dîku dia muntu au udi mua kuikala mufuanangane ne webe
Buôwa kabukupangishi bua kuenza malu makuabu to. (Lom 12:1; 1Ko 7:31) Kuikadi umvua buôwa bua kuenza midimu kampanda iuvua umona kumpala bu ne: mmikole anyi ne: kayakukusankisha to. —Mal 3:10.
Difundila bipatshila bia tshipolu tshîpi biudi mua kukumbaja bua umanye malu audi ukokesha bua kuenza. Tshilejilu, wewe umona ne: udi mua kuenza mudimu wa bumpanda-njila bua pa tshibidilu, mbimpe uvudije mêba audi wenza mu buambi anyi wangate bumpanda-njila buambuluishi bua ngondo mikese. Pashishe udi mua kuteta bua kuenza mudimu wa bumpanda-njila bua pa tshibidilu munkatshi mua tshidimu tshimue. Wewe wela meji ne: kuakukumbana bua kulua mpanda-njila wa pa tshibidilu anyi ne: kuakukokesha bua kubuenza bidimu bia bungi, manya ne: newikale anu ne disanka bua muuvua mukumbaje tubipatshila tukese tuuvua mudifundile.—Mbi 6:9
Diakaja bua kuibidilangana ne nsombelu. Nsombelu wetu utu ushintuluka anyi bidi mua kuenzeka ne: bitudi tukokesha bua kuenza lelu, malaba tupanga mua kubienza. Nanku mbimpe tuikale tutangilula bipatshila bitudi badifundile

8. Dilonga dia Bible dia tshisumbu

(Min. 30) bt nshap. 17 §8-12, kazubu kadi mu dib. 155