LUMINGU LUA DIA 6-12/1

BIUMA BIA MU DÎYI DIA NZAMBI

1. Nuenu baledi, tungunukayi ne kutabalela bumpianyi buenu bua mushinga mukole

(Min. 10)

Mbimpe baledi bikale batuishibue ne: Yehowa neabambuluishe bua batabalele bena mu dîku diabu (Mis 127:1, 2)

Bana ndipa dia mushinga mukole dia kudi Yehowa (Mis 127:3; w21.08 5 §9)

Longesha muana yonso bilondeshile majinga ende (Mis 127:4; w19.12 27 §20)

Tatu ulongesha bana bende babidi ku diambuluisha dia broshire wa “Malu andi ndonga mu Bible”. Bana abu badifuanyikijila bakadi mu Mparadizu, banaya ne kapumbu ne tshimpanzen. — Yehowa utu usanka padi baledi bamulomba diambuluisha ne badienzeja bikole bua kutabalela bana babu

2. Bubanji bua mu Dîyi dia Nzambi

(Min. 10)

Mis 128:3: Bua tshinyi muimbi wa misambu udi ufuanyikija bana ne ntonga ya mutshi wa olive? (it-1-F 543)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Mis 132:1-18 (th dilonga 2)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) PADI MPUNGA UMUENEKA. (lmd dilongesha dia 1, kamutu ka bualu 3)

5. Mua kubanga kuyukila ne muntu

(Min. 4) PADI MPUNGA UMUENEKA. Muntu wamba bualu budi bubengangana ne tshitu Bible ulongesha. (lmd dilongesha 5, kamutu ka bualu 4)

6. Ubavuije bayidi

(Min. 5) lff dilongesha dia 16, kamutu ka bualu 4-5. Bu muwikala kuyiku lumingu lualonda, ambila mulongi tshiudi mulongolole bua lumingu alu kalupitshi kayi mulonge Bible to. (lmd dilongesha dia 10, kamutu ka bualu 4)

TUIKALAYI NE NSOMBELU WA BUENA KRISTO

7. Nuenu baledi, ntshintu kayi tshitambe buimpe tshinudi mua kulongesha natshi bana benu?

(Min. 15) Diyukidilangana.

Bulongolodi bua Yehowa mbupatule bintu bia bungi bua baledi bafike ku dilongesha bana babu malu a Yehowa. Kadi tshilejilu tshiabu tshimpe ke tshintu tshitambe buimpe tshidibu mua kubalongesha natshi.—Dut 6:5-9.

Yezu wakalongesha bayidi bende ku tshilejilu tshiende.

Bala Yone 13:13-15. Pashishe webeje bateleji ne:

Buebe wewe, mushindu uvua Yezu ulongesha bayidi bende ku tshilejilu tshiende uvua muimpe menemene anyi?

Andamuna

Bu muudi muledi, bienzedi biebe bidi mua kuleja bana bebe ne: malu audi ubalongesha adi ne mushinga. Tshilejilu tshiebe tshimpe tshidi kabidi mua kubasaka bua kuteleja malu audi ubalongesha ne kuatumikila.

Foto: Malu a mu filme wa “Tudi balongeshe bana betu mu tshienzedi.” 1. Garcia ne bena mu dîku basombe mu mashinyi, bakeba kuya mu bisangilu. 2. Basombe badia pakadibu bafume mu bisangilu, benda bayukila 3. Muanetu Garcia muanji kuimanyika didilongela bua kuyukila ne umue wa ku bana bende babakaji. 4. Muanetu Garcia ne mukajende beleshisha muanabu mukuabu wa bakaji meji.

Ela FILME wa Tudi balongeshe bana betu mu tshienzedi. Pashishe webeje bateleji ne:

Mmalu kayi a mushinga avua muanetu Garcia ne mukajende balongeshe bana babu ba bakaji?

Andamuna
Mmunyi mudi filme eu ukusaka bua wikale anu tshilejilu tshimpe kudi bana bebe?

Andamuna

8. Dilonga dia Bible dia tshisumbu

(Min. 30) bt nshap. 20 §13-20