LUMINGU LUA DIA 3-9/3

BIUMA BIA MU DÎYI DIA NZAMBI

1. Leja ne: udi weyemena Yehowa

(Min. 10)

Eyemena Yehowa, kudieyemenyi to (Nsu 3:5; ijwbv tshiena-bualu 14 §4-5)

Keba buludiki bua Yehowa ne ubulonde bua kuleja muudi umueyemena (Nsu 3:6; ijwbv tshiena-bualu 14 §6-7)

Kuikadi udieyemena wela ne kalele to (Nsu 3:7; be 76 §4)

Muanetu wa bakaji mukangula tablete wende bua kuenza makebulula a bipatshila bidiye mua kudifundila. Ku dia bakaji diende kuikala broshire idi yakula bua tulasa. Ku dia balume diende kudi formilere ne mabeji adi ne malu adi atangila midimu ya ku betele.

DIEBEJA NE: ‘Ntu nkeba buludiki bua Yehowa mu malu onso anyi?’

2. Bubanji bua mu Dîyi dia Nzambi

(Min. 10)

Nsu 3:3: Mmunyi mutudi mua kusuika dinanga dia lulamatu ne lulamatu mu nshingu muetu ne kubifunda pa kabaya ka muoyo wetu? (w06 15/9 17 §7)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 3:1-18 (th dilonga dia 12)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. Leja tshia kuenza bua kuyisha muntu udi ukupangisha bua kumuyisha. (lmd dilongesha dia 1, kamutu ka bualu 5)

5. Mua kubanga kuyukila ne muntu

(Min. 4) MUABA UDI BANTU BA BUNGI. Ambila muntu bua site wetu, pashishe umupesha karte ka jw.org. (lmd dilongesha 3, kamutu ka bualu 3)

6. Muyuki

(Min. 5) w11 15/3 14 §7-10—Tshiena-bualu: Eyemena Yehowa padibu bakupetula mu mudimu wa buambi (th dilonga dia 20)

TUIKALAYI NE NSOMBELU WA BUENA KRISTO

7. Leja ne: udi weyemena bulongolodi bua Yehowa

(Min. 15) Diyukidilangana.

Bidi mua kuikala pamuapa bipepele bua kulonda buludiki budi mu Bible. Kadi bidi mua kukola bua kuitaba buludiki budi bantu bapange bupuangane badi balombola malu mu bulongolodi bua Yehowa batupesha. Bidi mua kukola nanku nangangana biobi ne: katuena bumvue bimpe buludiki abu anyi kabuena butusankisha to.

Bala Malaki 2:7. Pashishe webeje bateleji ne:

Bua tshinyi kabiena bitukemesha bua mudi Yehowa muteke bantu bapange bupuangane bua kulombola bantu bende?

Andamuna

Bala Matayi 24:45. Pashishe webeje bateleji ne:

Bua tshinyi mbimpe tueyemena buludiki budi bulongolodi bua Yehowa butupesha?

Andamuna

Bala Ebelu 13:17. Pashishe webeje bateleji ne:

Bua tshinyi mbimpe tutue mapangadika adi bantu badi Yehowa muteke bua kulombola malu mpanda?

Andamuna

Muanetu wa balume mutumine dîku kampanda biakudia. Bonso mbele maske, bakupangana bianza.

Muanetu wa bakaji wandamuna mu bisangilu. Muanetu wa balume mumukuatshile mikro. Bantu bonso badi mu bisangilu mbele maske.

Ela katupa ka FILME wa Mapiamapia a kudi Kasumbu kaludiki a mu 2021 No. 9. Pashishe webeje bateleji ne:

Mmunyi muvua buludiki butuvua bapete mu tshikondo tshia tshipupu butuambuluishe bua kueyemena bulongolodi bua Yehowa bikole?

Andamuna

8. Dilonga dia Bible dia tshisumbu

(Min. 30) bt nshap. 23 §9-15, kazubu kadi mu dib. 210, 212