LUMINGU LUA DIA 28/4–4/5

BIUMA BIA MU DÎYI DIA NZAMBI

1. Kupatudi mêyi a nunku to

(Min. 10)

Kupatudi dîyi didi mua kutapa ‘muinebe’ to (Nsu 11:9; w02 15/5 26 §4)

Kupatudi dîyi didi mua kutapulula bantu to (Nsu 11:11; w02 15/5 27 §2-3)

Kupatudi malu masokoka (Nsu 11:12, 13; w02 15/5 27 §5)

Bana betu ba balume babidi bayukila ku Nzubu wa Bukalenge. Umue wa kudibu wakula bibi bua muanetu wa balume udi wenda ulua kudibu.

LUKONKO LUA KUELELA MEJI: Mmunyi mudi mêyi a Yezu adi mu Luka 6:45 atuambuluisha bua kubenga kupatula mêyi mabi?

2. Bubanji bua mu Dîyi dia Nzambi

(Min. 10)

Nsu 11:17: Bua tshinyi mbimpe tuikale tuenzelangana malu ne bulenga? (g20.1 11, kazubu)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 11:1-20 (th dilonga 5)

DIFILA KU MUDIMU WA BUAMBI

4. Mua kubanga kuyukila ne muntu

(Min. 4) PADI MPUNGA UMUENEKA. Keba mpunga wa kuambila muntu bualu buudi mulonge mu bisangilu matuku mashale aa. (lmd dilongesha 2, kamutu ka bualu 4)

5. Dipinganyina muntu

(Min. 4) PADI MPUNGA UMUENEKA. Leja muntu filme kampanda wa mu Bintu bietu bia kulongesha nabi. (lmd dilongesha dia 8, kamutu ka bualu 3)

6. Divuija bantu bayidi

(Min. 4) MUABA UDI BANTU BA BUNGI. Lomba muntu bua kumulongesha Bible ne umuleje mutu dilonga dia Bible dienzeka. (lmd dilongesha dia 10, kamutu ka bualu 3)

TUIKALAYI NE NSOMBELU WA BUENA KRISTO

7. Kulekedi ludimi luebe lunyanga ditalala to

(Min. 15) Diyukidilangana.

Bu mutudi bantu bapange bupuangane tudi anu mua kupatula dîyi dibi. (Yak 3:8) Kadi, tuetu tuela meji a tshidi mua kuenzeka tuetu bapatule dîyi dibi, nebituambuluishe bua kuepuka dipatula mêyi adi mua kulua kutubungamija pashishe. Mona amue aku malu adi mua kunyanga ditalala mu tshisumbu:

Kuditumbisha kuela ne kalele. Padi muntu uditumbisha, bidi mua kusaka bakuabu ku ditembangana nende ne kudimumvuila mukawu.—Nsu 27:2
Kushima. Udi ushima muntu paudi umuambila malu adi kaayi malelela ne umupambuisha ku bukole. Tuetu tushima nansha mu tumalu tukese, bantu kabakutueyemena kabidi ne lumu luetu nelunyanguke.—Mbi 10:1
Bijanu. Kujana muntu nkuambila bakuabu malu a dishima bua bualu buende anyi kubambila malu atudi katuyi ne bukenji bua kubambila to. (1Tm 5:13) Bidi mua kujula ndululu ne kutapulula bantu
Kuakula ne tshiji. Muntu utu wakula nanku padiye upanga bua kudikanda padibu bamufikisha tshiji. (Ef 4:26) Bidiye wamba bidi mua kutapa bakuabu ku muoyo.—Nsu 29:22

Foto ya malu a mu Katupa ka filme wa “‘Tuvulayi’ binyangi bia ditalala.” 1. Emily ne Celia basombe muaba wa kunuina kafe. Celia utangila bintu bidi Haley muele miaba ya dipetelangana ku Enternete mu telefone wende. 2. Haley utandisha Celia muaba wa kuimanyikijila mashinyi ku Nzubu wa Bukalenge.

Ela katupa ka FILME wa ‘Tuvulayi’ binyangi bia ditalala. Pashishe webeje bateleji ne:

Ntshinyi tshiudi mulonge bua mushindu udi mêyi etu mua kunyanga ditalala didi mu tshisumbu bipepele?

Andamuna

‘Keba ditalala, udilonde’ bua kumona muvuabu bakebe ditalala

8. Dilonga dia Bible dia tshisumbu

(Min. 30) bt nshap. 25 §14-21