LUMINGU LUA DIA 5-11/5

BIUMA BIA MU DÎYI DIA NZAMBI

1. Kuenza mudimu bikole kutu kupatula bipeta bimpe

(Min. 10)

Kupitshishi dîba wipatshila malu a patupu to (Nsu 12:11)

Enza mudimu ne muoyo mujima (Nsu 12:24; w16.06 30 §5)

Nebakufute bua mudimu webe mukole (Nsu 12:14)

Foto: Muanetu wa balume wakaja mulonda wa mâyi ne muoyo mujima. Wandamuna mu bisangilu ne uyisha ne tshisumi. 1. Muambule biamu bia mudimu uya nabi. 2. Ukangula malu adi ku mulonda wa mâyi ne lusapi. 3. Yeye ne dîku diende mu bisangilu. Yeye ne muanende wa bakaji bele tshianza kuulu bua kuandamuna. 4. Uyisha muntu ne trakte muaba wa kupanyina kasolonyi.

TSHIA KUENZA: Tuetu tutuma meji anu ku malu mimpe adi bakuabu bapeta bua mudimu mukole utudi tuenza, mudimu au newikale utusankisha.—Bz 20:35; w15 1/2 5 §4-6.

2. Bubanji bua mu Dîyi dia Nzambi

(Min. 10)

Nsu 12:16: Mmunyi mudi dîyi dinene didi mu mvese eu mua kuambuluisha muntu bua kunanukila padiye mu lutatu? (ypq lukonko 5 dib. 16 §1-3)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 12:1-20 (th dilonga 5)

DIFILA KU MUDIMU WA BUAMBI

4. Mua kubanga kuyukila ne muntu

(Min. 2) KU NZUBU NE KU NZUBU. (lmd dilongesha dia 1, kamutu ka bualu 4)

5. Mua kubanga kuyukila ne muntu

(Min. 3) KU NZUBU NE KU NZUBU. Lomba muntu bua nutuadije kulonga nende Bible. (lmd dilongesha 5, kamutu ka bualu 4)

6. Dipinganyina muntu

(Min. 3) PADI MPUNGA UMUENEKA. Leja muntu udi ne bana site wetu. (lmd dilongesha dia 9, kamutu ka bualu 3)

7. Umvuija malu audi witabuja

(Min. 3) Dinaya. ijwfq tshiena-bualu 3: Udi witabuja ne: tshitendelelu tshienu ke tshitendelelu tshilelela anyi? (lmd dilongesha 4, kamutu ka bualu 3)

TUIKALAYI NE NSOMBELU WA BUENA KRISTO

8. Yehowa udi mua kukuambuluisha bua kupita bimpe ne ntatu ya malu a makuta

(15 min.)

Udiku usamisha mutu bua kupeta mudimu anyi bua kubenga kujimija uudi nawu anyi? Udiku usamisha mutu bua muudi kuyi ukokesha bua kupeta makuta makumbane adi mua kukuambuluisha mpindieu anyi pawakulakaja anyi? Malu a makuta atu anyanguka ne lukasa mu ndongoluelu wa malu eu. Kadi Yehowa udi utujadikila ne: tuetu bateke malu ende pa muaba wa kumpala, neikale anu utukumbajila majinga etu nansha lutatu lua makuta luolu lutukuate mu tshimpitshimpi.—Mis 46:1-3; 127:2; Mat 6:31-33.

Tshimfuanyi tshia mu filme wa “Yehowa katu muanji kutuela mâyi ku makasa to.” Muanetu Alvarado mukuate mukajende ku tshianza usambila ne dîku diende.

Ela FILME wa Yehowa katu muanji kutuela mâyi ku makasa to. Pashishe webeje bateleji ne:

Bualu bua muanetu Alvarado mbukulongeshe tshinyi?

Andamuna

Bala 1 Timote 5:8. Pashishe webeje bateleji ne:

Mmunyi mudi mvese eu ukushindikila ne: Yehowa neatungunuke anu ne kukumbajila batendeledi bende majinga abu?

Andamuna

Mona amue mêyi manene a mu Bible adi mua kukuambuluisha bua kupita bimpe ne lutatu lua makuta:

Kujingi bua kuikala ne bintu bia bungi to. Epuka tshibuelabuela tshia mabanza ne butulavi bua makuta.—Mat 6:22
Enza mudimu anyi longa tulasa bidi mua kukuambuluisha bua kuteka malu a Yehowa pa muaba wa kumpala.—Flp 1:9-11
Ikala ne budipuekeshi ne ikala wibidilangana ne nsombelu. Wewe mujimije mudimu, ikala mudiakaje bua kuitaba midimu mikuabu nansha yoyi mishadile bua umone mua kukumbajila bena mu dîku diebe majinga abu.—Nsu 14:23
Abanyangana bintu ne bakuabu nansha wewe kuyi nabi bia bungi.—Eb 13:16

9. Dilonga dia Bible dia tshisumbu

(Min. 30) bt nshap. 26 §1-8, kazubu kadi mu dib. 234, 238