LUMINGU LUA DIA 15-21/9

BIUMA BIA MU DÎYI DIA NZAMBI

Mamu kampanda ne muanende wa bakaji basombe mu nkuasa bayukila.

1. Mudi mibelu ivua mamu kampanda mupeshe muanende ituambuluisha

(Min. 10)

Longesha bana bebe bua bamanye mutu Yehowa umona disangila dia mulume ne mukaji ne dibaka (Nsu 31:3, 10; w11 1/2 19 §7-8)

Longesha bana bebe bua bamanye mutu Yehowa umona maluvu makole (Nsu 31:4-6; ijwhf-F tshiena-bualu 4 §11-13)

Longesha bana bebe bua bambuluishe bantu anu mutu Yehowa ubambuluisha (Nsu 31:8, 9; g19.2 7 §6-9)

2. Bubanji bua mu Dîyi dia Nzambi

(Min. 10)

Nsu 31:28: Bua tshinyi mulume udi ne bua kutumbisha mukajende? (w25.01 13 §16)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 31:10-31 (th dilongadia 10)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) PADI MPUNGA UMUENEKA. Tuadija kuyukila ne muntu udi muambe bualu kampanda buimpe anyi mubuenze. (lmd dilongesha 5, kamutu ka bualu 3)

5. Mua kubanga kuyukila ne muntu

(Min. 4) KU NZUBU NE KU NZUBU. Ambila muntu dimue dia ku “Malongesha atudi basue kulongesha” adi mu tshisakidila tshia A, mu broshire wa Nanga bantu. (lmd dilongeshadia 1, kamutu ka bualu 4)

6. Dipinganyina muntu

(Min. 5) KU NZUBU NE KU NZUBU. Bikila muntu uuvua mupeshe Tshibumba tshia Nsentedi tshia No. 1 2025 mu muyuki wa pa buawu. (lmd dilongeshadia 7, kamutu ka bualu 4)

TUIKALAYI NE NSOMBELU WA BUENA KRISTO

7. Ambuluisha bana bebe bua benze mudimu bimpe ne biamu

(Min. 8) Diyukidilangana.

Ukadiku mumone muana utua minu mu telefone peshi mu tablete anyi? Pa tshibidilu, bana batu bamanya kutua minu mu telefone bipepele, pamuapa kabayi nangananga dijinga ne diambuluisha to. Kadi bitu bikengela anu kubambuluisha bua bamanye mua kuenza mudimu bimpe ne biamu abi. Biwikala muledi, mmunyi muudi mua kulongesha muanebe mudiye mua kuenza mudimu bimpe ne biamu?

Tshimfuanyi tshia mu filme wa “Enza malu bimpe ne dîba diebe.” Sofi upita kapepe ku muelelu kua mâyi utua minu mu tshiamu tshiende, bimupangisha bua kumona mudi mushipa wa dauphin unaya ndundu pabuipi apu.

Ela FILME wa Enza malu bimpe ne dîba diebe. Pashishe webeje bateleji ne:

Bua tshinyi mbimpe tuikale tudikosela dîba ditudi ne bua kuenza mudimu ne biamu bietu?

Andamuna
Mbimpe tukebe dîba dia kuenza malu kayi makuabu?

Andamuna

Angatshila mikenji iudi welela bena mu dîku diebe mu mêyi manene a mu Bible, pamutu pa kuidikija bidi baledi bakuabu benza. (Gal 6:5) Tshilejilu, diebeja ne:

Muananyi eu ukadiku mukumbane bua kuangata mapangadika mimpe anyi? Utuku ne didikanda padiye utua minu mu tshiamu tshianyi anyi? Ukadi mukumbane bua kuikala ne tshiende tshiamu anyi?—1Ko 9:25
Bidi bikengela nganyishile muananyi bua kuenza mudimu ne tshiamu padiye nkayende anyi?—Nsu 18:1
Mprograme kayi ne site kayi ya Enternete indi mua kumuanyishila bua kubuela anyi kubenga kubuela?—Ef 5:3-5; Flp 4:8, 9
Ndîba kayi dindi mua kukosela muananyi bua kuenza mudimu ne tshiamu tshiende bua ikale ne dîba dia kuenza malu makuabu a mushinga?—Mbi 3:1

LUMINGU LUA DIA 15-21/9

NSUMUINU 31

Musambu wa 135 ne disambila | Mêyi a mbangilu (Mun. 1)