Ngenyi ya mua kudilongela ne mua kuenza ntendelelu wa mu dîku

Tutu tutendelela Yehowa mu bisangilu, mu mpuilu, ne mu mpungilu. Tutu kabidi tuenza nanku muntu ne muntu pa nkayende ne mu dîku. Mona imue ngenyi iudi mua kukonkonona bua kudilongela anyi bua kuenza ntendelelu wa mu dîku.

• Kulongolola bisangilu bia tshisumbu. Nudi mua kudibidija bua kuimba misambu, kuambuluisha muena mu dîku yonso bua kulongolola diandamuna.

• Kubala muyuki wa mu Bible. Pashishe kuzola tshimfuanyi tshia bumue bua ku malu a mu muyuki au anyi kufunda tshiudi mulonge.

• Bala disambila dia mu Bible, udielele meji bua umone mua kuakaja masambila ebe.

• Tangilayi filme wa mu jw.org, pashishe nuyukile bua malu adi mu filme au anyi nufunde malongesha anudi bapetamu.

• Kudilongolola bua mudimu wa buambi; nudi mua kuenza nansha kadinaya ka tshia kuamba mu buambi.

• Nubandile bintu bia mu bufuki, nuelangane meji anyi nuakule bua tshidibi binulongesha bua Yehowa.a