Bantu badi basue kusankisha Yehowa batu bangata mapangadika mimpe

Bala Genese 25:​29-34 bua kumanya mapangadika avua Esau ne Yakobo bangate ni avua mimpe anyi mabi.

Tangila mvese idi kuulu ne kuinshi bua kumanya malu a bungi. Ntshinyi tshivua tshienzeke kumpala? (Gen. 25:​20-28) Ntshinyi tshivua tshilue kuenzeka pashishe?—Gen. 27:​1-46.

Kebulula bua kumanya malu makuabu. Tshikondo atshi, mbukenji kayi buvua nabu muanabute? Mmudimu kayi uvuaye nawu?—Gen. 18:​18, 19; w10-F 1/5 13.

• Bivua bikengela anu ne: muntu mulume ikale muanabute bua kuluaye nkambua wa Masiya anyi? (w17.12 14-15)

Ela meji a malu audi mulonge, uatumikile. Bua tshinyi Yakobo uvua wangata bukenji bua buanabute ne mushinga kupita Esau? (Eb. 12:​16, 17; w03 15/10 28-29) Mmunyi muvua Yehowa umona bana ba muntu babidi abu? Bua tshinyi? (Mal. 1:​2, 3) Bivua bikengela Esau enze tshinyi bua kuangata mapangadika mimpe?

• Diebeja ne: ‘Pandi ndongolola malu a kuenza mu lumingu, mmunyi mundi mua kuleja ne: ndi mudifile mu malu a ntendelelu wa Yehowa ne ndienzeja bua kupeta dîba dia kuenza ntendelelu wa mu dîku?’