Keba muaba muimpe

Udi musue bua didilongela diebe dikuambuluishe bua kumanya malu a bungi anyi? Bua wewe kufika dituma meji anu ku biudi ulonga, tumikila mibelu eyi:

• Sungula muaba muimpe. Kuoku mushindu, keba muaba muimpe udi ne butoke. Udi mua kusombela ku mêsa mu nzubu anyi mu biro peshi kusombela muaba mukuabu muimpe pambelu.

• Keba kaba ka nkayebe. Yezu uvua muye “muaba uvua kawuyi bantu” bua kusambila. Bivua “patshiatshia.” (Mâko 1:35) Kuoku kakuyi mushindu wa kupeta kaba ka nkayebe, ambila bena mu dîku dienu anyi banudi nulala nabu mu nzubu programe webe wa didilongela ne ubalombe bua kabidi bakupangisha bua kudilongela to.

• Epuka ditanaji. Wewe ubadila Bible mu telefone anyi mu tablete, enza bua kadidi to. Wewe muvuluke bualu kampanda bua kuenza, bufunda ku luseke bua kulua kubuenza pashishe. Biobi bikukolele bua kutuma meji anu ku biudi ulonga, anji kuimana katupa, udiolole.