Bantemu ba Yehowa batuku bamba ne: anu bobu ke badi mu tshitendelelu tshilelela anyi?

Bantu batu bangata malu a tshitendelelu ne mushinga mbamanye ne: tshitendelelu tshidibu basungule ke tshidi Nzambi ne Yezu banyisha. Bobu kabayi bajadike nanku, mmunyi mudibu mua kudifila ne muoyo mujima mu tshitendelelu tshidibu?

Yezu kavua muanyishe lungenyi lua ne: kudi bitendelelu bia bungi anyi njila ya bungi idi ifikisha ku muoyo to. Kadi wakamba ne: “Njila udi ufikisha ku muoyo mmubumbakane, bantu bakese ke badi bamupeta.” (Matayi 7:14) Bantemu ba Yehowa mbajadike ne: mbapete njila eu. Bu kabiyi nanku, bavua mua kukeba tshitendelelu tshikuabu.