Musambu 10
‘Ke meme eu, untume!’
1. Lelu bantu mbapetule
dîna dia Nzambi bibi be!
Bamba ne: Mmuena tshikisu,
banga ne: ‘Nzambi kenaku.’
Nnganyi waya bua kuakuila
dîna dia Nzambi Yehowa?
“Mfumu, mmem’eu, untume!
Nenkutumbishe bimpe be!
(DIPUNGULUJA)
Kundi mbutumbi bunene be!
Ke mem’eu, untume!”
2. Bamue batu baseka ne:
Nzambi mmuena lulengu be!
Banga, mpingu bakukuila,
batendelela Kaisa.
Nnganyipu wabadimuija
bua mvita ya Nzambi yalua?
“Mfumu, mmem’eu, untume!
Ne dikima nembambile.
(DIPUNGULUJA)
Kundi mbutumbi bunene be!
Ke mem’eu, untume!”
3. Lelu bubi mbuvule be!
Bapuekele mbadile be!
Bakeba ne bulelela
buabapesha ditalala.
Nnganyi waya kubasamba,
ne buakane kubaleja?
“Mfumu, mmem’eu, untume!
Nendongeshe bapuekele.
(DIPUNGULUJA)
Kundi mbutumbi bunene be!
Ke mem’eu, untume!”
(Bala kabidi Mus. 10:4; Yeh. 9:4.)